Jeremías 20 - Biblia

⁴ Jayawe Jeremías jei tupao wasu iyandarekoa reta itenondewa Pasur jee wae pe kuärái: “Tumpa ikoño mái wae jei ndewe kuärái: ‘Kɨye tuicha wae ambouta ndewe jare opaete neïru reta pe wi. Nderowaicho reta ikɨsepuku pɨpe uyukata opaete neïru reta nemae neï rambuewe. Jare ameeta mburuwicha wasu ɨwɨ Babilonia pewa pe mbaepuere nderé jare opaete ɨwɨ Judá pewa reta re. Jae jare isɨndaro reta ikɨsepuku pɨpe uyukata jeta Judá pewa reta. Joko wi wɨraata upɨtakue reta ɨwɨ Babilonia pe ipereso retarä.

⁵ Amaeñota wi nderowaicho reta re uike waerä opaete tëta wasu Jerusalén rupi opa oñomi reta waerä opaete mbaembae ikawi wae joko pe oï wae. Upɨ̈rota reta opaete oro, korepoti tïi wae, jare ita ipöraete jepɨete wae Judá imburuwicha wasu reta imbaekue. Opaete jepɨete wae jae reta wɨraata chuwi ɨwɨ Babilonia pe.’ Jukuärái jei ndewe Tumpa,” jei chupe.