Éxodo 26 - Biblia

Tupao wɨraañoi jae reta ndiwe wae rewa ( Mbaembae kërái uyapo reta waerä tupao wae.)

³¹ Tumpa jei Moisés pe: “Iyapoka pëti puyu ikawi wae nembɨyaoka waerä pɨpe tupao joo,” jei. “Jokua re embɨparaka kerubín echa reta iä inimbo jowɨ wae, mborao wae, jare pɨ̈tasɨ wae pɨpe.

³² Joko wi iyapoka irundɨ ɨkɨtarä ɨwɨra acacia pewa, jare iñowaka oro pɨpe,” jei. “Jokua ɨkɨta reta uwapɨta pëti pëti iwapɨka korepoti tïi pewa re. Pëti pëti ɨkɨta re iñonoka ngächu oro pewa nembɨsawawaka waerä jese jokua o pembɨyao pɨpe wae,” jei.

^33-34 “Jayawe embɨsawawaka ngächu reta re tupao joo umbɨyao wae iko waerä tupao japɨpe mokui o. Jare iñonoka che arakae jae wae yemɨmandúa jɨru o japɨpete wae pe. Jokua o japɨpete wae ko jae o jupiete ye wae. Jokua o umbɨyao wae tumbɨyao o jupi wae o jupiete ye wae wi,” jei. “Joko wi iñonoka iyapeteka jɨru iáramo,” jei Tumpa Moisés pe.