Éxodo 24 - Biblia

Moisés oï ɨwɨtu wasu Sinaí re

¹² Tumpa jei Moisés pe: “Iyupi eyu kua ɨwɨtu wasu re chekotɨ. Jare kua pe neï rambuewe, che ameeta ndewe mokui ita ipe kawi wae chiñee aikuatía jese wae. Jokua re nemboeta opaete Israel iñemoñaa reta,” jei chupe.

¹³ Jayawe Moisés jare imborɨa Josué uyeyapɨkatu reta, jare umbɨpɨ uyupi yuraa reta Tumpa iɨwɨtu wasu re.

¹⁴ Jare ndei uyupi reta mbowe, Moisés umɨmbeu Israel iñemoñaa itenondewa reta pe kuärái: “Pepɨta kua pe oreraäro. Aarón jare Hur upɨtata oï pe reta ndiwe. Jayawe ime mbae nunga yembɨawái yawe cherendawe pe, peka Aarón jare Hur pemborɨ waerä,” jei chupe reta.

¹⁵ Jayawe Moisés uyupi oo Josué ndiwe ɨwɨtu wasu re. Jare ɨwɨtu wasu iyapɨte ɨwatete wae umbɨyasoi oï amapɨ̈tu.

^16-17 Tumpa imbaepuere tata tuicha jendɨ jembipe echa wae rami uweyɨ ɨwɨtu wasu Sinaí re. Jokua tembipe uyekuaa wi Israel iñemoñaa reta pe jae reta ñonoï rambuewe ɨwɨtu wasu iyɨpɨ rupi. Jare amapɨ̈tu upɨta owa ara rupi ɨwɨtu wasu iyapɨte re. Jare chiu ara uwäe yawe, Tumpa omoë iñee Moisés pe amapɨ̈tu wi.

¹⁸ Jayawe Moisés uyupi uike oo amapɨ̈tu oï wae pe. Joko pe Moisés upɨta cuarenta ara jare cuarenta pɨ̈tu rupi.