Deuteronomio 18 - Biblia

^10-11 Moisés umɨmbeu Israel iñemoñaa reta pe: “Tumpa jei yandewe kuärái: ‘Awɨye piyuka peapɨ pesambiaɨ reta pemee tumparaanga pewarä,’ jei. ‘Awɨye piko upurumbusuerte wae. Awɨye ipɨräuwa wae re perowia. Awɨye pepaye. Jare awɨye peka espíritu reta jare umano wae reta uikuaaka waerä pewe mbae.

¹² Echa’ä kachi ko jokua mbaembae chemaerä. Amombota aï ɨwɨ Canaán pewa reta iɨwɨ wi, echa’ä jae reta uyapoñoi jokua mbaembae kachi wae reta jeko pewa.’ Jukuärái jei Tumpa yandewe,” jei Moisés chupe reta.

( )

²¹ Moisés jei wi Israel iñemoñaa reta pe: “Aramoi pe reta pepɨranduta peï peyupe, “¿Këraita pa yaikuaa jokua jei yandewe wae añetete ra ko Tumpa iñee?’

²² Tamɨmbeu pewe. Ime yawe kía jei pewe, ‘Tumpa chembou amɨmbeu waerä pewe kua mbaembae uyeyapota oï wae,’ jei wae, erëi uyeyapo’ä yawe jokua jae jei pewe wae, jayawe Tumpa iñee’ä ko. Jae iñeei ko. Jáeramo awɨye perowia jese,” jei Moisés chupe reta.