Mata 25 - Bible Zulgo

Bazlam minew gà dəm duwa kurwa

¹ I dəba ŋa ya, Yesuw a gwaɗa a tar asa: «A pat ŋgiɗ i mère a aka mekwere gà ya ka, à ndzikiɗ a ba bazlam minew gà dəm duwa kurwa, ta waya melime nda gà zal daala ana a zlere a ya. I təv ana ta meh a ba, ti de a ya ka, tə ndzək dər gà lalampa tar aà ahər.

² Ama gà dəm ata kurwa ŋa ya ka, gà ə̀zləm ŋana ka, ta ge metsehe lele na ti de a ya. Gà biy ŋgiɗ aaha, tàa ge metsehe tsa.

³ Aɗaba gà na metsehe tar a riŋ tsiye ka, tə ndzaka gà lalampa tar nda miviye mal ana iɗəm a ɗekɗek pəra. Tàa tafa dər mal a kwalaba tsa.

⁴ Ama gà na metsehe tar a riŋ lele ya, tar ta mah ba ka, tàa tafa dər mal aà ahər asa.

⁵ I dəba ŋa ya, zal daala ata a zlere a ya, aka dara bise tsa. Tar ata tserdze ya ka, tə dza aka mendze are, aɗaba meèrìzle a ge a teriŋa.

⁶ Aləka magər həvəɗ a ge ka, Mewideye a ɗe tsara. Ta gwaɗa a tar:

⁷ Gà dəm ata tserdze ya, hùrùm ta hitse aà mbulum. Tə ndzək gà lalampa tar a ahər. Tə sakaha aɗəm à mal. Ama gà asiŋ ŋa aaha ndeɗiŋa metsehe tar a riŋ tsiye, ndezwizzwè lalampa tar a mbetiŋa, mal aà tar tsa.

⁸ I fataya ka, tə dza ba aà mewize mal aà gà na metsehe tar a riŋ lele ya. Ta gwaɗa a tar:

⁹ Ama gà ɓəzla metsehe aaha ta gwaɗa a tar:

¹⁰ Aləka i təv ana ti de a a masàkàmà ŋa tsara ya ka, pəzlàŋ zal daala ata aka slala dər. Gà na ndeɗiŋa metsehe tar a riŋ lele ya, tar riŋ ta veve a ŋgat, tsùndzur tə dəɗ akaba a ga a ma ŋgar, aà megirive nda mazəma dukw mezime. Ta hə̀ndə̀k dər aaba a ga.

¹¹ Aləka i dəba ŋa ya ka, gà dəm aaha ndeɗiŋa tə da a masàkàmà mal a, ta màra. Tə dara ka, wura a riŋ asa tsa, tàa da a ga. Tə dza ba aà mezeleha a mala ga a ga. Ta gwaɗaraha:

¹² Ama wele ata a gwaɗa a tarra: «

¹³ Aɗaba taŋa, Yesuw a gwaɗa a tar kuɗa: «Ama kurum ka, ndzum nda metsehe lele, tsəka, ki sirwim a pat ŋa tsa, kige tsa ler ŋa ka, ki sirwim a tsidze.»

Bazlam minew gà ɓəzla megemir wele duwa tar makər

¹⁴ Yesuw a gwaɗa a tar asa: «Aɗaba dukuməŋa a ne a pat ŋgiɗ ka, kamala wur ana a de a a mesìweye a təv a diriŋ a. I təv ana à meh a ba ya ka, a zal a gà ɓəzla mege megemir ŋgar, a dzàɗ limana ga ŋgar fit a ahər tar dzekwiŋ.

¹⁵ A vəl a mìsle ŋgiɗ kur siŋgwe dəbuw ə̀zləm, i mìsle ŋgiɗ dəbuw sula, i mìsle ŋgiɗ aaha ibam, dəbuw ilik. Siŋgwe ata kur ŋa ilik ka, lufùw, a ɗeme a ba tsa. A dzaya a tar dər aba kataya ka, a samata dər metsehe tar, ku weke a sle a aà magəsa ŋa lele na taŋa ya, a ge a dər megemir. Dite i dəba ŋa ya ka, wele ata a mah ba, a daba kuɗa.

¹⁶ Zàmma tsəka, wele ana ta vəlar dəbuw ə̀zləm a, a dza dər ba aà metsèkèle. Aləka a ŋgat aaka nuba ŋgar dəbuw ə̀zləm.

¹⁷ Wele ana ta vəlar dəbuw sula ya tekeɗe, a tsàkàl dər asa. A ŋgat aaka nuba ŋgar dəbuw sula mbaŋa.

¹⁸ Ama wele aaha ta vəlar dəbuw ilik a ka, a daha, vìrèh vìrèh a le siŋgwe mala ga ŋgar ata a biye, a kaha aɗəm a fata.

¹⁹ Aləka i dəba mive zaakwa ya ka, mala ga tar aaha ndeɗiŋa ya, a màra a ma ya tsara ka, a waya maɗàmà gà siŋgwe ana akahər ata a dzaya a tar a. A zal a tar.

²⁰ Aləka tə daha ka, wele ana a vəlar siŋgwe dəbuw ə̀zləm a, a ndzəkara biy ŋgar a. A daha, a gwaɗar:

²¹ Mala ga ŋgar a gwaɗar:

²² I dəba ŋa ya ka, wele ana a vəlar siŋgwe dəbuw sula ya, a ndzəkara biy ŋgar a, a da dərraha, a gwaɗar:

²³ Mala ga ŋgar aaha a gwaɗar:

²⁴ Aləka wele ana a vəlar siŋgwe dəbuw ilik a, a daraha à biy ŋgar ka, a gwaɗa a mala siŋgwe aaha:

²⁵ Aɗaba taŋa, iye ka, magəɗa a giŋ, i gwa ka, a dzeyiŋ a a ahər, Yàa tsàkàl dər tsa. I daha a ma ka, i le aba a biye ya. Araha siŋgwe yak naha, ndzə̀kaba dukw yak.>

²⁶ Mala siŋgwe aaha a gwaɗar aaka:

²⁷ Na kà sər ndeɗiŋa kataya dze ana, aàla na kà dza siŋgwe ga a ga ana ti tikiŋ a aba ya ka, dite tì sìkèhiŋ a dər aaka ya tsiye. Ana i mère a ka, nuba gà aka səkah aaka zaakwa ya.

²⁸ Aɗaba taŋa, dumaha, zlum ihər dəbuw ilik ŋa ata ya, vəlum aaka a wele ana ndeɗiŋa siŋgwe ŋgar dəbuw kurwa ya.

²⁹ Aɗaba ku weke na aka ge megemir lele, aka ŋgat dukw maya ba ŋgar hinne ka, tì sikehe a dər aaka hinne asa mbaŋa, dite na a ndze a dər barbararra ya. Ama wur ana a ge a megemir nda swalwa ŋa ndaka vatwa ŋa tsiye ka, ti zle a ihər dukw ana i ahər ŋgar a fit mbaŋa.>

³⁰ I dəba ŋa ya, mala ga tar aaha, a gwaɗa a tar: «

Bazlam seriye ana a pat mandəva gər ahəɗ a

³¹ I dəba ŋa ya, Yesuw a gwaɗa a tar asa: «Aka təv ana iye, *wur ana a dara i təv Mbulum a, i mère a ya ka, i mère a nda ndzəɗa Mbulum ana a viliŋ a hinne, mər nda gà gawla Mbulum a tserdze. Dite ka, i ndze a aka təv mendze Əbay gà kuɗa.

³² Gà mburma ana ika gər ahəɗ tserdze ya, ti yehebere a gər aka miɗ gà ya. Dite i ndzeke a iba mburma ya, kamala mala makəva gà dukw ana a ndzakawa ikaba gà təmaŋ nda gà awak a.

³³ I dze a gà təmaŋ ka, aka tsèke ahər mezime gà. Ama gà awak ka, i dze a tar aka tsèke ahər gùla.

³⁴ I dəba ŋa ya ka, iye Əbay, i gweɗe a a gà na ika tsèke ahər mezime gà ya:

³⁵ Aɗaba akahər ana may a wir aà iye a ya ka, kàa vilwimiŋ dukw mezime, yam a kəɗ iye tekeɗe ka, kàa tìfwimiŋ, Yàa sa. Akahər ana iye mbəlakw ŋa mba ya ka, kàa gwimiŋ gər lele.

³⁶ Petek ika iye tsa ibam ka, kàa tikwim aka iye. Iye i dukw məməta ka, kàa dumara, kàa fə̀rum aka iye. Iye i daŋgay tekeɗe ka, kàa dumaha a təv ga, kàa fə̀rum aka iye.>

³⁷ Dite i dəba ŋa ya ka, gà ɓəzla mazazama Mbulum ana nda ndzer ŋa ya, ta gweɗiŋ a ka: <Əbay mər, ndeɗime na mì ŋgatak, may a wir aà kər a ka, mì vəlak dukw mezime, kige tsa yam aka kəɗ kər ka, mì tə̀fak a?

³⁸ Dite ndeɗime asa ya na mì ŋgatak ka, kər mbəlakw ŋa ka, mì gek gər lele, kige tsa, petek aà kər tsəka, mì vəlak, kà tike akaba ya?

³⁹ Dite asa ka, ndeɗime na mì ŋgatak, kər i dukw məməta ka, mì daha, mì fə̀r aka kər, kige tsa, kər ka ndzawa i ga daŋgay ka, mì daha a təv yak a?>

⁴⁰ I dəba ŋa ya ka, iye Əbay, i gweɗe a ter aakiŋa:

⁴¹ Dite i dəba ŋa ya asa ka, i gweɗe a a gà na ika tsèke ahər gùla gà ya:

⁴² Aɗaba akahər ana may a wir aà iye a ya ka, kàa vilwimiŋ dukw mezime tsa, nda gà i təv ana yam a kəɗ iye ya tekeɗe, kàa tìfwimiŋ yam, Yàa sa ɓav tsa asa.

⁴³ Aka na iye mbəlakw ŋa ya ka, kàa gwimiŋ gər tsa, dite asa ka, aka na petek aà iye tsiye tekeɗe ka, kàa vilwimiŋ petek, Yàa tike akaba tsa asa. Iye i dukw məməta, kige tsa iye i ga daŋgay ka, kàa dumaha, kàa gwimiŋ wusa ɓav tsa asa mbaŋa.>

⁴⁴ I dəba ŋa ya, tar tekeɗe, ta gweɗiŋ a mbaŋa: <Əbay mər, ndeɗime na mì ŋgatak ka, may a wir aà kəriŋa, kige tsa yam a kiɗ a kər, nda gà kər mbəlakw ŋa, kige tsa, petek aà kər tsiye? Dite asa mì ŋgatak ka, kər i dukw məməta, nda gà kər i ga daŋgay ka, maa daha, maa gek gər tsa asa ya?>

⁴⁵ I dəba ŋa ya asa, iye i gweɗe a ter a: «

⁴⁶ I dəba ŋa ya, Yesuw a gwaɗa a tar asa mbaŋa: «Ama tar ata ti ta ŋget a mesewere are ana à ndìv a tsa aà biybiy a. Ama gà mburma ana tàa zazam Mbulum nda ndzer a ka, ti ndze a i tar ka, i təv mesife ana à ndìv a tsa aà biybiy a.»