Mata 22 - Bible Zulgo

Bazlam minew mazla daala

¹ I dəba ŋa ya, Yesuw a tsik a tar aaka bazlam minew ŋgiɗ pam asa. A gwaɗa a tar:

² «Araha, dukw ana a ndzikiɗ ba nda *mekwere Mbulum ana a ta kwere a mba ya: Aɗaba a ndzikiɗ ba ka, Əbay duwa a zla daala a kəla ŋgar.

³ Aləka i təv ana à ndìɗ a a bəra ya ka, a slər gà gawla ŋgar, aà mezeleha a mburma, tə dara, tə zəm dukw mezime ana à ndìɗ a dər daala kəla ŋgar ata a bəra ya. Ama gà mburma ata tə zal a tar a ka, ti niw medeha.

⁴ I dəba ŋa ya, a slər gà mìsle ŋgiɗ asa. A gwaɗa a tar:

⁵ Ama gà mburma ata tə zal a taraha ya ka, tàa dza bazlam tar ata aà zləm tsa, tə daya ba a gà megemir tar pampam hinne. Mìsle ŋgiɗ a daba a gùvàh ŋgar. Mìsle ŋgiɗ asa, a daba a kwaskwa aà madzàwà à gà dukw ŋgar.

⁶ Dite gà mìsle ŋgiɗ gà mezehe ŋana, ta gasa gà ɓəzla meslire Əbay aaha ndeɗiŋa ya, tə ndavaya a tar pìslìɗìɗe. Ta bats tar fit a biye.

⁷ Ama Əbay aaha a ta metsereke ka, a tsəɓar hinne. A slər gà sliwdze ŋgar aà məbatsa gà mburma ata ta batsaya gà ɓəzla meslire ŋgar aaha ya. Gà sliwdze ata tə da. Tə daha tsara ka, ta bats gà mburma ata fit. Dite ndìrɓek ta wànà kwite tar ata nda akwa asa.

⁸ I dəba ŋa ya, a gwaɗa a gà ɓəzla meslire ŋgar ŋgiɗ asa:

⁹ Aɗaba taŋa, kinehe ka, dayum aka gà vatwa, kà zalum a gà mburma ana kàa lwim aà tar a pəra ka, tə dara tserdze a ma gà, a faha ya, aà mazəma dukw mezime ya.>

¹⁰ Dite gà ɓəzla meslire ŋgar tə daya aka gà vatwa. Ti ta medeha ka, ti yaha gər a gà mburma hinne, ku mege weke zləməŋa, wur ana tàa le ahər a, gà ŋgwal gà mburma, nda gà mburma ana meɗè zləm tar ŋgwala tsiye, tə da akabara a bəra Əbay a. Ga a rah nda gà mbəlakw hinne.

¹¹ Aləka i dəba ŋa ya, Əbay ata a pəts a maga a ma ŋgar, aà məfàrà aà gà mbəlakw ŋgar kuɗa. A daha, a fə̀r ikaba i liwiŋ gà mburma ŋgar a ka, aka ŋgat a wura ilik i magər tar, aka tike akabara ŋgwal petek ana biy mada a təv mandə̀ɗà daala ata a bəra ya tsa.

¹² A gwaɗa a wele ata: Wele ata a ndza ɗikɗik, aka fàfəl tsa.

¹³ I dəba ŋa ya ka, Əbay ata a gwaɗa a gà ɓəzla meslire ŋgar: «

¹⁴ I dəba ŋa ya, Yesuw a gwa: «Aɗaba gà mburma ana i waya, i zal a tar a ka, hinne. Ama gà na ta palaraba iɗəm a ka, tar ndaw tsa.»

Mandza hadam a batsah Əbay gà Ruma

¹⁵ I dəba ŋa ya, gà *Farisa tə daha, ti yahaba gər, dite ta mà akaba à bazlam ika magər tar. Aɗaba a sàs a tar ka, maslàlà à Yesuw i yam a, dite ka, meme na ki gìsekwe a ŋgat i təv bazlam ŋgar ana a tsik a ya.

¹⁶ I dəba mandza akaba ahəm tar ata ya ka, tə slər gà mburma tar, tə da akaba nda gà mburma *Hiridus i ŋgal a təv Yesuw. Tə daha ka, ta gwaɗar: «Əbay, mì sər kər ka, mala ndzer ŋa, kər ihər ki ɗif a à vatwa Mbulum ka, nda ndzer ŋa, aɗaba ki ge a magəɗa a dukw ana gà mburma ti dzele a ya tsa, aɗaba ki ge a gər a gà mburma ana ti ne gà ŋgwal ŋa ika miɗ mburma ya tsa.

¹⁷ Aɗaba taŋa, tsik a mər madzala gà gər yak te kwaŋ: Wànà məpala ahəm kwa dze ana, aka vəl vatwa aà mandza hadam a Əbay gà Ruma ana a kwere a kwa ya ya, tsəna, aka vəl tsiye?»

¹⁸ Ama Yesuw a sər a taraha aka dukw ana tə dzala i gər tar a tsara. I dəba ŋa ya, a gwaɗa a tar: «A kurum gà ɓəzla mimbèhè are. Aàmala na ki dzwìm a ba aà iye kataya ya?

¹⁹ A za vilwimiŋara kur siŋgwe ŋa ana ki dzwìm a dər hadam a, i sèmete a kwaŋ.» Ta vəlaraha kur siŋgwe ata ilik.

²⁰ Yesuw a samata ka, a gwaɗa a tar: «Gà foto aaha nda zləm ŋgar ikəka ana, biy weke?»

²¹ Ta gwaɗar aaka: «Biy batsah Əbay gà Ruma ata ndeɗiŋa ya.» Yesuw a gwaɗa a tar aaka: «Yawwa, dukw ana biy batsah Əbay gà Ruma ya ka, vəlumar dukw ŋgar. Ama dukw ana biy Mbulum a ka, vəlum taŋa a Mbulum.»

²² I dəba ŋa ya, tə tsaraka dukw ana Yesuw a tsik a tar a kataya ka, a ne aka tar kamala dukw mene aà mburma ya, ta miyak à ŋgat, tə daba.

Mewize bazlam i təv gà məməta ana ta mbilere a i biye ya

²³ A pat ata ka, gà asiŋ gà *Saduki duwa tə daha a təv Yesuw. Tar ka, gà mburma ana ta gwa ka, wura a sle aà mimbilere a i biye ya asa tsiye. Gà mburma ata tə daha, tə tsam aà Yesuw.

²⁴ Ta gwaɗar: «Əbay mər, Musa a gwa i təv məpala ahəm Mbulum a ka: *fa*

²⁵ Aɗaba gà wele duwa ɗa ika magər mər nda gà damər ŋgar təsəla ka, malkwara ŋana a zla məkəs. Aləka wele ata a mət ka, ze mawà ahər kəla. Dite məkəs ata ka, damər ŋgar ŋgiɗ a zazəɗ dər.

²⁶ I dəba ŋa ya, damər ŋgar ata tekeɗe, aka wa ahər kəla ɓav tsa. Damər tar məmakər ŋana tekeɗe, a zazəɗ dər asa mbaŋa, haa tar ata təsəla ya, tàa zazaɗa à məkəs ata tserdze. Ama ka, ilik tàa wa ahər kəla tsa.

²⁷ I dəba ŋa ŋa ya, məkəs ata ibam, a mət asa mbaŋa.

²⁸ Taŋa dze ana, aləka i təv ana gà məməta ta mbilere a i biye ya ana, məkəs ata a ne a ana, biy weke ilik a, aɗaba gà mburma ata nda gà damər tserdze ya ka, tàa lama ahər fit a?»

²⁹ Ama i dəba ŋa ya, Yesuw a gwaɗa a tar aaka: «Kurum ka, kà sərum duwa tsa. Aɗaba la? Wànà kà sərum dukw ana i wakita Mbulum a tsiye, dite kà sərum ndzəɗa Mbulum tsa asa ya?

³⁰ Aɗaba aka təv ana gà məməta ta mbilere a i biye ya ka, gà asləka nda gà məkəs ti zle a ba asa tsa. Ama ti ndze a ka, sùlàɗə̀ɗa kamala gà gawla Mbulum ana i mbulum a.»

³¹ Yesuw a gwaɗa a tar asa: «Dite aàla na ki wizwim a aà iye bazlam gà məməta ana ta mbilere a i biye ya ya? Wànà kàa dzeŋgwim dukw ana i wakita Mbulum, a fàfəl a kurum agəra gà məməta ana ta mbilere a i biye ya te tsiye?

³² Aɗaba mewetse ŋa iɗəm i fata ka, Mbulum a gwa: A tsik taŋa ka, a gà mburma ana tar riŋ ti ndze a a bəra hiywe ya, ku mege tàa mata tekeɗe ya. Aɗaba Mbulum ka, biy gà mburma ana tar riŋ ti ndze a aà bəra hiywe ya, tsəka, biy gà məməta tsa.»*fb*

³³ I dəba ŋa ya, gà mayahaba gər gà mburma ata tə tsaraka kataya ka, a ne aka tar kamala dukw mene aà mburma ya.

Məpala ahəm Mbulum ana ŋgwal ŋa ya

³⁴ Aləka i dəba ŋa ya, gà *Farisa ta fə̀r ka, Yesuw a mba aà gà *Saduki nda bazlam ka, ti yahaba gər tserdze.

³⁵ I təv mayahaba gər tar ata ya ka, mala medzeŋge məpala ahəm Mbulum duwa a riŋ ilik a daha a təv Yesuw. Aɗaba a sasar maslàlà à ŋgat i yam a.

³⁶ A gwaɗar: «Əbay medzeŋge məpala ahəm Mbulum, məpala ahəm Mbulum ana ŋgwal ŋa dze ana, awara na i liwiŋ ŋa nda ndzer a?»

³⁷ Yesuw a gwaɗar aaka: «Məpala ahəm ŋgar ana ŋgwal ŋa ya ka, a gwa: *fc*

³⁸ Taŋa ka, məpala ahəm Mbulum ana malahalah ŋa ya. I ŋgiɗ na a ze a taŋa ya ka, a riŋ tsa.

³⁹ Dite masula ŋana, a mbeha a taŋa ya ka: asa.*fd*

⁴⁰ Aɗaba gà məpala ahəm Musa, nda biy gà ɓəzla məma à guma Mbulum ana ti tsik tserdze ya ka, a gaw ba fit a huɗ gà məpala ahəm ata sula ya məma.»

*Kiristi a pàt aba ana, i gwala weke ya?

⁴¹ I dəba ŋa ya, Yesuw a tsam bazlam aà gà asiŋ gà *Farisa ata mayahaba gər ŋa i fataya.

⁴² A gwaɗa a tar: «Kurum kà dzalum ana, là, na aɗaba Kiristi, mala məmbə̀là à mburma ana Mbulum a gwa, i slir a kurumaha a ya ya? Ŋgat dze ana, i gwala weke?» Ta gwaɗar: «Ŋgat ka, i gwala Dawda.»

⁴³ Yesuw a gwaɗa a tar: «Dite meme na Dawda a mà à bazlam Mezite Mesife Mbulum akahər ata ka, a zalar Batsah ga ŋa ya?

⁴⁴ Aɗaba Dawda a gwa ka: *fe*

⁴⁵ Yaw, na Dawda ka, a zalar Batsah ga ŋa seyiŋ ivaɗ ka, dite meme na ta gweɗe a ka, kəla ŋgar asa ya?»

⁴⁶ I fataya ka, wura aka fàfəlar aaka bazlam ilik asa tsidze. A gər taŋa ya ka, ku weke magəɗa a ger aà mewize ahər gà bazlam pampam kamala taŋa ya.