Luka 16 - Bible Zulgo

Bazlam minew mala maɗàmà siŋgwe ana a ge a wirwir hinne ya

¹ I dəba ŋa ya, Yesuw a gwaɗa a gà ɓəzla mazazama ŋgat asa: «Wele duwa, mala limana, mala maɗàmà siŋgwe ŋgar a riŋ. Gà mburma tə daha a təv ŋgar. Tə daha, ta gwaɗar:

² Wele ata a tsaraka kataya tsara ka, a zalaraha, a gwaɗar:

³ Mala maɗàmà siŋgwe aaha a dzala i gər ŋgar ka, a gwa:

⁴ Yawwa, ama kinehe ka, Yàa dzala dukw ŋgiɗ, i sər dukw ana i ge a ya. I yehe a gà masla, dite i təv ana tàa zla iye i megemir aaha ya ka, ta gis a aà iye a ahər aà mandza i ga i ma tar.>

⁵ A daha, a zal a gà mburma ana gwèdèrè mala ga ŋgar ata aà tar a. Tə daha a təv ŋgar ilik ilik tserdze. A gwaɗa a wele ana a lah a təv ŋgar a:

⁶ Wele ata a gwaɗar aaka: Mala maɗàmà siŋgwe ata a gwaɗar:

⁷ I dəba ŋa ya, a gwaɗa a mìsle ŋgiɗ asa: Wele ata a gwaɗar aaka: Mala maɗàmà siŋgwe ata a gwaɗar:

⁸ Mala ga wele ata a dza zləm aka wirwir ana wele aaha a ge a ihər a ka, a ge ahər kamala dukw mene aà mburma ya. A gwa: Aɗaba gà asiŋ gà mburma ana kinehe ika gər ahəɗ tə sər Mbulum tsiye ka, tə tsàh hinne, ti dzele dukw ana a da aka miɗ a lele, nda masəra ba ika magər tar ilik ilik tserdze. Tə tsàh ka, tə za dər gà mburma ana i təv dzaydzay ŋa ya.»

Limana ana kinehe à ndìv a ya, ndəna à ndìv a tsa i təv Mbulum a

⁹ I dəba ŋa ya, Yesuw a səkah à bazlam ata asa, a gwaɗa a tar: «Ama iye ihər i gweɗe a kurum ŋa: Gwim ŋgwal ŋa nda siŋgwe lele, ku mege mì sər, siŋgwe ka, ŋgwal ŋa tsa tekeɗe ya. Aɗaba i təv ana a riŋ aà kurum asa tsa, aka ndəv a ka, ki ta ŋgetwim a təv mendze ana à ndìv a tsa aà biybiy i təv Mbulum a.

¹⁰ Taŋa, wur ana a ge a megemir gà ɓəza gà dukw ana kwizikw kwizikw a, ndaka vatwa ŋa ka, a ge a gà bàba ŋana tekeɗe, ndaka vatwa ŋa mbaŋa. Ama wur ana a ge a mege megemir gà ɓəza gà duwa nda mehimbire iɗəm a ka, a ge a gà bàba ŋana tekeɗe, kataya mbaŋa asa.

¹¹ Na kàa sərum are megemir limana ana kinehe ika gər ahəɗ a ndaka vatwa tsəna, weke na a sle a aà mivile a kurum ŋgwal limana ana à ndìv a tsa i təv Mbulum a?

¹² Kamala taŋa ya, na kàa sərum are a mege gər a dukw mburma tsəna, dite meme na Mbulum a sle aà mivile a kurum a dukw ŋgwal ŋana a gwa: A ne a biy kurum a?

¹³ Wura ilik a sle medze a ba aà megemir gà mburma sula aà ler ilik ŋa ka, a ge a ba tsa. Aɗaba pat ŋgiɗ ka, a ge a swalwa a mìsle ŋgiɗ, a weye a biy ŋgiɗ lele, kige tsa, à gis a ahəm aà biy ŋgiɗ aaha lele, i ŋgiɗ ka, à gis ahər a tsa, kùrtìtìk a niw a bazlam ŋgar. Kamala taŋa ya, kurum tekeɗe, ki slwim a aà megemir a Mbulum, dite ka, aà siŋgwe asa sula sula tsa.»

Məpala ahəm Mbulum, nda mendze ana aà biybiy a

¹⁴ Gà *Farisa tə tsaraka bazlam ata Yesuw a tsik a ka, tə sawla ahər hinne, aɗaba ana tar ta waya siŋgwe hinne ya.

¹⁵ Ama Yesuw a gwaɗa a tar aaka: «Kurum ka, gà mburma ana ta ge a duwa ka, ika are mburma ya ɗekɗek a. Ama Mbulum ka, a sər gà gəzləŋ kurum. Aɗaba dukw ana gà mburma ta fir ahər a ŋgwal ŋa lele ndzer a ka, i təv Mbulum ka, ŋgwal ŋa tsa ndeyndey.

¹⁶ Tə zazam məpala ahəm Musa nda bazlam gà ɓəzla məma à guma Mbulum, haa a təv ana Yuhana metsìlwìɓè à mburma a yam a dza ahər ba ya. Daga aà gər ata ya, ti tsikewa bazlam ŋgwal ŋana biy mekwere Əbay Mbulum ana a ta kwere a ya a mburma, dite i dəba ŋa ya, ku weke tekeɗe, gə̀də̀bəllà ta waya mada a *mekwere Mbulum ata nda ndzəɗa.

¹⁷ Aɗaba ŋgulum gà gər ahəɗ nda gəza mbulum ka, tì ndìviŋa. Ama məpala ahəm Mbulum ka, à ndìv a tsa. Ku mege dukw ana mewetse ŋa iɗəm kwizikw hinne tsiye tekeɗe, à nikiɗ a ihər a tsa, a ndze a aà biybiy.

¹⁸ Kamala taŋa ya mbaŋa, wur ana aka miyak à məkəs ŋgar, dite aka zla aɗəm biy ŋgiɗ a ka, a ge muva. Na wura aka zla məkəs ana ta miyak dər a tekeɗe, a ge muva mbaŋa asa.»

Bazlam minew gà Lazar nda wele ana limana ŋgar a riŋ hinne ya

¹⁹ I dəba bazlam ata ya ka, Yesuw a gwaɗa a tar asa: «Wele duwa a riŋ, ŋgat mala limana, gà dukw ŋgar a riŋ hinne. A dùwayawa ba ka, nda petek ana ŋgwal ŋa hinne, à sìkim a ba tsiye. Dite kəla pat a zəmawa tekeɗe, dukw mezime ana ŋgwal ŋa ya mbaŋa.

²⁰ Ama wele ŋgiɗ a riŋ mbaŋa, zləm ŋgar Lazar. Ŋgat ka, matawak ŋa, dukw ŋgar a riŋ tsa. Ba ŋgar fit ka, mbəlak ɗekɗek. A dawa aka hərmaga wele ata limana ŋgar a riŋ hinne ya. A hənawa i fata.

²¹ A waya mazəma bàtutukw ɗaf ana a dzawuwa aà mala ga ata a bəɗ a. I təv ana a dzawuba aà məpala ŋa ya ka, gà kəra tə dawaha, ta wiser a gər hinne, tə ndàkàɗawa ihər mbəlak ŋgar ata ya ivaɗ.

²² Aləka i dəba ŋa ya, mala matawak ata a mət ka, gà gawla Mbulum tə daha, tə zla ŋgat a təv Abəraham a gər ŋa. Ama mala limana aaha tekeɗe ka, a mət asa, ti le ŋgat ka, a biye.

²³ A sèwèrewa are hinne i təv ana gà məməta iɗəm a. A zla gər aà mbulum, a fə̀r ikaba ya ka, aka ŋgataha a gà Abəraham mandza ŋa nda Lazar i təv ilik ŋa diriŋ nda gà ŋgat i gər ŋa, ti ndze aaba tsa.

²⁴ A zalaha a Abəraham. A gwaɗaraha:

²⁵ Ama Abəraham a gwaɗarra:

²⁶ Dite asa ka, biye a riŋ batsah ŋa kwitsikw ika magər kwa nda kər, kərga taŋa ya, ku mege gà mburma ana i faha, a sàs a tar madaha a təv kurum tekeɗe, ti sle a tsa. Dite gà na a riŋ i faka ya tekeɗe, ti sle a aà madàra a faha ya tsa asa mbaŋa.>

²⁷ Mala limana ata a tsaraka taŋa ka, a gwaɗaraha:

²⁸ aɗaba gà damər gà a riŋ iɗəm ə̀zləm, ma daha, ma tsik a tar aba ya dzekwiŋ te, mi be a tar à ɗaf, dite ka, tar tekeɗe, tə ta wiyera aba a təv mesewere are gà aaha ya asa tsa te.>

²⁹ Abəraham a gwaɗar aakara:

³⁰ Wele ata a gwaɗar aakaha asa:

³¹ Ama Abəraham a gwaɗar: «