Luka 15 - Bible Zulgo

Bazlam minew təmaŋ ana a dzeye ya

¹ A pat duwa ka, gà ɓəzla duwan nda gà asiŋ gà mburma ana i liwiŋ tar, meɗè zləm tar ŋgwala tsiye hinne, tə daha a təv Yesuw. Tə daha ka, aà medzè zləm a dukw ana a tsik a ya.

² Aləka gà *Farisa nda gà ɓəzla medzeŋge məpala ahəm Mbulum ta ŋgat a tar kataya tsara ka, ta ge arəv hinne, tə dza akaba bazlam ŋgùra ŋgùra ŋgùra hinne ika magər tar. Ta gwa: «Wele aaha à gis a aba gà ɓəzla bakal lele, naha ti zim akaba a dukw mezime ana, meme?»

³ I dəba ŋa ya, Yesuw a sər a taraha aka bazlam ata ka, a fàfəl a tar ndaka bazlam minew. A gwaɗa a tar:

⁴ «Na bəla wura ika magər kurum aaha kinehe ya, gà təmaŋ ŋgar a riŋ dərməka, i dəba ŋa ya, ilik aka dzeye ana, a ge a ana, meme? A miyek a à gà dzik tswiɗ gəra tswiɗ ŋa aaha à gər tar tə̀ma, dite a de a a mayaha ilik ŋa aaha a dzeye ya, haa a təv ana aka ŋgat a dzekwiŋ tsiye?

⁵ Na bəla aka ŋgat ka, a ŋgeye a ba hinne kuɗa. A tikere a təmaŋ ata aka ɗa ya,

⁶ a de a dərra a ma ya. Aka dara ka, a zelewe a a gà masla ŋgar, nda gà ɓəzla hərmaga ŋgar, a gweɗe a ter a: <Ŋgayakwa ba, aɗaba Yàa ŋgat təmaŋ gà ata a dzeye ya kuɗa.>

⁷ Iye ihər i gweɗe a kurum ŋa: Kamala taŋa ya mbaŋa, maŋgayaba a ta ge a i təv Mbulum i gər ŋa hinne, agəra wur ana a miyak à bakal ŋgar, a mbəɗ à gəzləŋ ŋgar a. Maŋgayaba ka, a zè a biy gà mburma ana dzik tswiɗ gəra tswiɗ, ta fə̀r aaba ka, kamala ana bakal i təv tar tsa, tsaatsa tàa mbəɗ à gəzləŋ tar tsidze ya.»

Bazlam minew kur siŋgwe ana a dzeye ya

⁸ I dəba ŋa ya, Yesuw a gwaɗa a tar asa: «Kige tsa kamala məkəs ŋa a riŋ kur siŋgwe ŋgar a riŋ hinne. Ama ka, aka dzeye ihər a ilik dze ana, a ge a ana, meme? A dehe a, à vèt a akwa a lalampa ŋgar, a feɗere a i ga ya fit, dite a yehe a iɗəm a, haa a təv ana aka ŋgat a dzekwiŋ tsiye?

⁹ Na bəla aka ŋgat ka, a zele a a gà masla ŋgar, nda gà məkəs ana ta mberehe ya, a gweɗe a ter a: <Ŋgayakwa ba, aɗaba Yàa ŋgat kur siŋgwe ga ana a dzeye ya kuɗa.>

¹⁰ Kamala taŋa ya mbaŋa, iye ihər i gweɗe a kurum ŋa: Maŋgayaba a ta ge a riŋ ika magər gà gawla Mbulum i gər ŋa, agəra wur ana ilik a miyak à bakal ŋgar, a mbəɗ à gəzləŋ ŋgar a.»

Bazlam minew kəla ana a dzeye ya

¹¹ I dəba taŋa ya ka, Yesuw a gwaɗa a tar: «Wele duwa, gà ɓəza ŋgar a riŋ sula.

¹² Dìy kəla ŋana a daha, a gwaɗa a tsir ŋgar: Tsir tar ata a daha, a dza a tar aba limana ata.

¹³ I dəba mehinne zaakwa ya ka, kəla ata a daha, a dzawa à gà dukw ata fit, a yaha gər a siŋgwe ŋa. A mah ba tsara, a da a kwite ana diriŋ a. A daha a fata ka, a dza dər ba aà mege dukw ana gəzləŋ ŋgar a waya ya, a gwitse à dukw ata fit.

¹⁴ I təv ana siŋgwe ŋgar ata a ndəv ihər a ka, batsah may a dza ba aà mege ika ahəɗ ata asa. Gərəŋ gərəŋ a səraha dukw ana a ge a ya asa tsa.

¹⁵ I dəba ŋa ya, aka ŋgat megemir i təv wele duwa a riŋ i fataya. Wele ata a slər ŋgat aà makəva gà wèdèlìŋ ŋgar a dala.

¹⁶ I təv ana a de a à tar a dala mba ya ka, tə dzawa a tar dukw mezime a bəɗ dzekwiŋ, ti zimiŋa. Kəla aaha ka, a waya mazəma dukw ana gà wèdèlìŋ aaha ti zim a ya mbaŋa, aɗaba may ana a wir ahər a ya. Ama wura a gəs miviler ɓav tsa asa.

¹⁷ I fataya ka, a dza ba aà madzala gà gər aka mendze ŋgar ana a ndzawa i təv tsir ŋgar a. A gwa:

¹⁸ Ŋgulum kinehe ka, i meh a ba, i diŋa, i mbìɗ a gər a təv tsir gà. Yàa da ka, i gweɗere a: Tsir gà, Yàa ge bakal ika miɗ Mbulum a, dite ika miɗ yak a asa.

¹⁹ Ama iye ka, kamala na kəla yak a asa tsa. Ne à iye ka, kamala gà ɓəzla megemir yak a pəra.>

²⁰ I dəba ŋa ya, a mah ba, a da, à mbìɗ a gər a təv tsir ŋgar. I təv ana a ndze aà vatwa, aka à mendze a ma, a riŋ diriŋ aà ga ya mba ya ka, tsir ŋgar a ŋgataraha tsara ka, a valaha a təv ŋgar. A daha, a samata ka, a ndzer are tsehe hinne. A yàb aaka. A ger wusa, a gəs aaba ŋgat nda gəzləŋ ilik.

²¹ Kəla ŋgar ata a gwaɗar:

²² Ama tsir ŋgar a zalaha a gà ɓəzla meslire ŋgar a təv ŋgar. Tə daha ka, a gwaɗa a tar:

²³ Kə̀ gə̀sumara sla ana magəla ŋa lele, məŋgəl ihər a, kə̀ kə̀ɗumar. Dite ki dekwe a ala ŋa, ki gìrìvekwe a dər, ki ŋgeyekwe a ba.

²⁴ Aɗaba kəla gà aaha ka, kamala ana aka mət a, ama kinehe ka, aka mbəlara a riŋ nda mesife. Aka dzeye kweleŋ, ama kinehe ka, Yàa ŋgat asa.> I dəba ŋa ya, tə dza ba aà megirive nda maŋgayaba hinne kuɗa.

²⁵ I təv ana tar riŋ ta gìrìv a i ma ya ka, batsah kəla wele ata ŋgat a riŋ i dala i gùvàh. A màharaba i dala ata ya. I təv ana a ndze aà vatwa, a de a a ma ya ka, aka tsarakara megirive ata mburma ta gìrìv a i ma ya.

²⁶ Kəla ata a zal a mala meslire tsir ŋgar ilik, a wiz ahər. A gwaɗar:

²⁷ Mala meslire ata a gwaɗar:

²⁸ Kəla batsah ŋa ata a tsaraka kataya ka, a dza ba aà mege arəv hinne. A sasar məpə̀ts a ga asa tsa. I dəba ŋa ya, tsir ŋgar a dara a bəra ya. A dara, a hamar hinne. A waya ma da a ga.

²⁹ Ama kəla ata a gwaɗar:

³⁰ Araha kəla yak ana a gwitsek à limana yak fit a mege muva nda gà məkəs a, a màra ka, kə̀ kə̀ɗar sla ana kə̀ gəlakwa, məŋgəl ihər hinne ya tsəna?>

³¹ Ama tsir ŋgar a gwaɗar aaka:

³² A da dər na ki gìrìvekwe a nda maŋgayaba ya tsəna, aɗaba damər yak aaha ka, kamala ana aka mət a, ama kinehe ka, aka mbəlara i məməta ya. Aka dzeye kweleŋ, ama kinehe ka, aka ŋgat ba asa.> «