اِنجیلِ یوحنا 16 - گیله ماز1 «تمام این چیزانِ شِمِره باگوتَم تا شیمی ایمان جی دَنِکین. 2 شِمِره عِبادَتگاهانِ جی دِرگا کانَن و واقعاً هَم موقه ایی رَسِنه که هر کی شِمِره بَکوشِه خیال کانه خُدا رِه خِدمَت هَکُردِه. 3 این کارانِ کانَن، چون نه آسِمانی پیَرِ اِشناسِنَن، نه مَرِه! 4 این چیزان رِه شِمِره باگوتَم تا وَختی اونِ موقه بَرِسیِه، شیمی یاد بیارین که شِمِره باگوتِه بام. این چیزان رِه اَوَّل شِمِره نگوتُم، چون خودَم شِیمی هَمرَه دَبام. روح القُدُسِ کار 5 «اَسِه اونِ وَرجه شونَم که مَرِه روانه هَکوردِه و هیچکِدام نَپُرسِنِین، ”کوجِه شونی؟“ 6 وَلی چون این چیزانِ شِمِره باگوتَم، شِیمی دِل غَمِ جی پُر هَبا. 7 با این وجود، حَقیقتِ شِمِره گونَم شِیمی نَفعِ که مَن بوشوم. چون اَگِه نَشوم اون پُشتیبان شِیمی وَرجه نییَنِه؛ وَلی اَگِه بوشوم اونه شِیمی وَرجه روانه کانَم. 8 وَختی اون پُشتیبان بیِه، مَردمِ دُنیا رِه گُناه و صالحی و داوَری یه وَسین مَحکوم کانه. 9 گُناه وَسین، چون مَرِه ایمان نیارِنِن. 10 صالحی وَسین، چون پیَرِه وَرجه شونَم و دِ مَرِه نَینین. 11 داوَری یه وَسین، چون این دُنیایِ رَئیس که شیطانِ مَحکوم هَبا. 12 «اَسِه خِیلی چیزان دارَم شِمِره باگوم، وَلی اَلآن اونه بِشنَوِسَّن طاقَتِ نِدارید. 13 وَلی وَختی روحِ راسّی بیِه، شِمِره به تمام حقیقَت رَهبری کانه؛ چون اون خودشه جی گَب نَزِنِه، بلکه اونچه اِشنَوِنِه رِه گونِه و شِمِره آیندِه یه جی خَبَردار کانه. 14 اون مَرِه جَلال دَنه، چون اونچه که می شی هیسه رِه گیرنِه، شِمِره خَبر دَنه. 15 هر چی پیَر داره، می شی هیسه. اینِه وَسین باگوتَم اونچه که می شی هیسه رِه گیرنِه، شِمِره خَبر دَنه. 16 «یِکَم دیگه مَرِه نَینین، وَلی یکَم دیگه باز هَم مَرِه دینین.» 17 ایما بَعضی اَز اونه شاگِردان هَمدِیگَرِ باگوتَن: «اونه مَنظوراین گَبِ جی چی با که، ”یِکَم دیگه مَرِه نَینین، وَلی یکَم دیگه باز هَم مَرِه دینین“؟ یا اینکه گُونِه: ”چون پیَرِ وَرجه شونَم“؟» 18 پَس اوشان هَمدِیگَرِ گونهِ بان: «اونه منظور از اینکه گونِه ’یِکم دیگه‘ چیِه؟ نِفَهمِنیم چی بارِه گَب زَنه؟» 19 عیسی که دانِسِّه خَنِن اونه جی سوال هَکُنَن؛ پَس اوشانه باَگوته: «اینِه وَسین هَمدیگَرِ هَمرَه بَحث کانید که باگوتَم، ”یِکَم دیگه دِ مَرِه نَینین، وَلی یِکَم دیگه باز هَم مَرِه دینین“؟ 20 راس راسی شِمِره گونَم، شُما بِرمِه و زاری کانید، وَلی دُنیا خوشحال بونه؛ شِمِرِه غَم و غُصِّه گیرنِه، وَلی شِیمی غَم و غُصِّه خُشحالی رِه تَبدیل بونه. 21 ایتا زِنا بِزاسَّنِ موقه دَرد کَشِنِه، چونکه اونه موقِه بَرِسیِه؛ وَلی وَختی اونه وَچِه دُنیا بوما، دِ خودشه دَردِ یاد نیارنِه، چون ایتا آدَم به دُنیا بوما خُشحالِ. 22 هَمینجور، شُما هَم اَلآن غَم و غُصِّه دارید؛ وَلی باز هَم شِمِره دینَم و شِیمی دِل خوشحال بونه و هیچکس شِیمی خُشحالی رِه شِیمی جی نَگیرنِه. 23 اون روز، دِ هیچی می جی نَخَنین. راس راسی شِمِره گونَم هر چی آسِمانی پیَرِ جی می اسم هَمرَه بَخواین، اونِه شِمِره دَنه. 24 تا اَلآن می اسم هَمرَه هیچی نَخَسّین؛ بَخواین تا پیدا هَکونین و شیمی خُشحالی کامِل هَبو. 25 «ایشانِ مَثَلِ هَمرَه شِمِره باگوتَم؛ وَلی موقِه ایی رَسِنه که دِ اینجور شِیمی هَمرَه گَب نَزَنَم، بلکه پیَرِ بارِه عَلَنی شِمِره گونَم. 26 اون روز دِلِه، می اسم هَمرَه دَرخواس کانید. وَ شِمِره نَگونَم که من شِیمی طَرَف جی پیَرِه جی دَرخواس کانَم، 27 چون پیَر خودش شِمِره دوس داره، چون شُما مَرِه دوس داشتین و باوَر هَکُردین که خُدایِ طَرفِ جی بومَم. 28 مَن پیَرِ طَرفِ جی این دُنیایِ دِلِه بومَم؛ وَ اَلآن این دُنیا رِه تَرک کانَم و پیَرِه وَرجه شونَم.» 29 ایما اونه شاگِردان باگوتَن: اَسِه عَلَنی گَب زَنّی، نه مَثَلِ هَمرَه. 30 اَسِه دانیم هَمِه چی یه جی خَبِر داری و نیاز نِداری کَسی تی جی سوال بَپُرسِه. اینِه وَسین باوَر داریم که خدایِ طَرفِ جی بومَیی.» 31 عیسی اوشانه باَگوته: «راس راسی اَلآن باوَر دارید؟ 32 موقه ایی رَسِنه که راس راسی هَمین اَلآن هَم بَرِسییَه، که شُما هَمه پَخش و پَلا بونید و هَر کُدام شیمی سِرِه شونید و مَرِه تَنها نَنید؛ وَلی مَن تَنها نییَم، چون آسِمانی پیَر می هَمرَه دَرِه. 33 ایشانِ شِمِره باگوتَم تا می دِلِه آرامِش بِدارین. دُنیایِ دِلِه شِمِرِه زَحمَت و عَذاب دَرِه؛ وَلی شیمی دِل قِرص هَبو، چون مَن دُنیا رِه پیروز هَبام.» |
@ 2024 Korpu Company