نامِه مَسیحینی عبرانی نِژادی سِه 5 - گیله ماز

¹ چون هر کاهن اعظم، که آدَمان میَن جی اِنتخاب بونه، تعیین بونه تا اون کارایی که خدارِه ربط دارِه مَردمِ نمایندِه هَبو، تا گُناهانِ خاطری هَدیِه ها و قُربانیها خُدا رِه پیشکَش هَکونه.

² اون تانِه نادانان و گُمراهانِ هَمرَه نرمی یه هَمرَه رفتار هَکونه، چون اون خودِش ضَعف دارِه.

³ اینه وَسین، اون بایِسّی خودشه گُناهانِ وَسین قُربانی هَدِه همونجور که مَردُمِ وَسین دَنه.

⁴ و هیچکَس خودِش، نَتَّنِه این کاهنی یه افتخارِ خودِشِه هَدِه، بلکه این افتخار اون موقِه ایی که خُدا اونِه دُخواندِنِه اونه رَسِنه، همونجور که هارونِ بَرسیَه.

⁵ مَسیح هَم خودِشِه جآر نَبِردِه تا کاهن اعظم هَبو، بلکه اونه طریق تعیین هَبا که اونه باَگوته: «تو می ریکا هیسی؛ اِمروز، مَن ترِه مولود هَکُردم.»

⁶ همونجور که اون یِجا دیگَرَم گونِه: «تو تا اَبد کاهن هیسی، مِلْکیصِدِقِ رَدِه یه دِله.»

⁷ اون روزانِی که عیسی جِسمِ دِلِه دَبا، بِرمِه ها و آرسو ها و شول و شیونِ هَمرَه اونه وَر که تانِسِّه اونه مَرگِ جی نِجات هَدِه، دُعا و اِلتماس هَکُردِه، و خودشه کامِلِ اطاعتِ خاطری، اونه دُعا مُستجاب هَبا.

⁸ هر چَن که ریکا با، اون عذابایِ خاطری که بَکِشیِه، اِطاعَتِ یاد بِیته.

⁹ و اون موقه که کامل هَبا، تمامِ اوشانیکه اونه جی اِطاعَت کانَن رِه، اَبدی نِجاتِ سرچشمِه هَبا،

¹⁰ و خُدایِ طرفِ جی تعیین هَبا که کاهنِ اعظم هَبو، مِلْکیصِدِق رَدِه یه دِلِه.

ایمان جی وَگَرِسَّن هشدار

¹¹ اینهِ باره خیلی چیزان داریم که باگوییم، وَلی اونِه توضی سَختِ، چونکه شیمی گوش سَنگین هَبا.

¹² چون هَر چَن که شُما تا اَلآن بایِسّی مُعلِم هَبین. احتیاج دارین یِنفر خُدایِ کلامِ اُصولِ اولیه رِه یِدَفِه دیگه شِمِره یاد هَدِه. شُما هَلَه شیر خَنید، نه سنگینِ غذا!

¹³ چون هر کی شیرخوارِ، صالحی یه کلامِ دِلِه بی تَجربِئِه، چون هَلَه وَچِئه.

¹⁴ وَلی سنگینِ غذا گَتِه آدمانِ وَسینِ، اوشانه وَسین که خودِشانِه قوه یه تشخیص رِه زیادی تمرین هَمرَه، جوری تربیت هَکُردَن کِه بَتِنِّن بَد و خوبِ تَشخیص هَدَن.