غَلاطیان 5 - گیله ماز

مسیح اَمَرِه آزاد کانه

¹ آزادی یه وَسین با که مَسیح اَمَرِه آزاد هَکُردِه؛ پَس قائِم بییَسید و یِدَفه دیگه نوکری یه گاجمه رِه شیمی گَردَن نَنین.

² اینه خوب گوش هَدین! مَن، پولُس، شِمِرِه گونَم که اَگه خَتنِه هَبین، مَسیح شِمِرِه هیچ منفعتی نِداره.

³ و من یه بار دیگه شهادَت دَنَم هر کی که خَتنِه هَبو بایسّی تمام شریعتِ بِداره.

⁴ شمایی که خَنید شَریعتِ طریقِ جی صالح بِشمارِسِّه هَبین، شُما مسیحِ جی سیفا هَبَین، شُما فِیضِ جی دور هَبَین.

⁵ چون اَما خُدایِ روحِ طریقِ جی ایمانِ همره اون صالحی یه چِش بِراهیم که اونه اُمیدِ دِلِه بِسَر بَرنیم.

⁶ چون مسیحِ عیسی دِلِه نه خَتنِه هَبوسَّن مُهِمِ نه خَتنِه نَبوسَّن، بَلکه مُهم ایمانیِه که مُحبَتِ طریقِ جی کار کانه.

⁷ خُجیر دُو کانِه بِین. کی شیمی راهِ جلوه بِیته تا حَقیقَتِ جی اطاعت نَکُنید؟

⁸ اینکه شُما اینجور قانع هَبَین، اونیکه شِمِرِه دُخوانِسِّه یه جی نیِه.

⁹ «یِذَرِه خَمیرمایه، تمام خَمیر ور هارنه.»

¹⁰ مَن خُداوَندِ دِلِه شیمی جی مُطمئنم که شُما ایتا دیگه نظری رِه قبول نُکانید، وَ اونیکه شِمِرِه پریشان کانه، هر کی هَبو، خودِشِه سِزا رِه دینه.

¹¹ ولی اِی اَداشان، اَگه هَلَه مَن خَتنِه هَکُردنِ موعظه کانه بام، دِ چِرا اذیت و آزار دینه بام؟ پس اگه اینجور کانه بام، دِ صلیبِ پیغام هیچکسِ بَر نُخارنه با.

¹² کاش اوشانیکه شِمِرِه پَریشان کانَن، کار رِه تَمام کانه بان و خودِشان رِه یِدَفِه مَردانگی یه جی توُوادِنِه بان!

¹³ اِی اَداشان، شُما آزادی یه وَسین دُخوانده هَبَین، فقط شیمی آزادی رِه ایتا فُرصت شیمی نفسِ اِرضایِ وَسین نَکُنید، بَلکه مُحبتِ هَمره، هَمدِیگَرِه خِدمَت هَکُنید.

¹⁴ چون تمام شریعَت ایتا حُکمِ دِلهِ خُلاصِه بونه و اونم اینه که «شیمی هَمسادِه رِه ایتا شیمی مِثان مُحبت هَکُن.»

¹⁵ ولی اگه چنگ و دندان هَمرَه همدیگَرِ جان دَکین، مُواظب هَبین که هَمدیگرِ دَسِّ هَمره از بیِن نَشین.

روحِ دِلهِ زندگی هَکُردَن

¹⁶ وَلی من گونَم خُدای روحِ هَمرَه رفتار هَکُنید که جسم خواسِّها رِه بِجا نیارِنین.

¹⁷ چون جسمِ خواسِّها خُدایِ روحِ ضِدِّ و خُدایِ روحِ خواسِّها جسمِ ضِدِّ؛ چونکه این دوتا هَمدیگر ضِدَّن، جوریکه دِ نَتَّنین هر چی که خَنید رِه، بِجا بیارین.

¹⁸ وَلی اَگه خُدای روحِ هَمرَه هِدایت هَبین، شما دِ شریعَتِ جیر دَنییَین.

¹⁹ اَسِه جسمِ اَعمال مَعلومِه: بی‌عفتی، ناپاکی، وَ هرزگی؛

²⁰ بُت‌پرسّیی و جادوگری؛ دُشمَنی، جنگ ودعوا، حسودی، غیظ؛ زیاده خواهی، تفرقه، دَسِّه دَسِّه هَکوردَن،

²¹ حَسودی؛ مَسّی، عیاشی ویه چیزانی ایشانهِ مِثان. شِمِره هُشدار دَنَم، هَمونجور که پیشتَر شِمِره هُشدار هَدَه بام، اوشانیکه اینجور کارانِ کانَن خُدایِ پادشاهِی رِه به اِرث نَبِرنَن.

²² وَلی خدای روحِ ثَمَرِه، مُحبت، خُشحالی، صلح وسلامتی، صبر، مهرَبانی، خوبی، وَفاداری،

²³ ملایمت و خویشتن داریِ یه. هیچ شریعتی ایشانهِ ضِد نیِه.

²⁴ اوشانیکه مسیحْ عیسی یِه شین هیسَن، جسم رِه اونه هوا و هوس خواسِّه های هَمرَه صَلیبِ سَر بَکِشییَن.

²⁵ اَگه خدای روحِ هَمرَه زندگی کانیم، خدای روحِ هَمرَه هَم رفتار هَکُنیم.

²⁶ بیخدی مغرور نَبیم و هَمدیگَر خشمِ جآر بیاردَنِ جی و هَمدیگَرِ حَسودی هَکُردَنِ جی دَس بَکِشیم.