دوّم تِسالونیکیان 3 - گیله ماز

اَمِرِه دُعا هَکُنید

¹ سَرآخر، اِی اَداشان، اَمرِه دُعا هَکُنید تا خُداوندِ کَلام تُند پِیش بوشو و اونه احترامِ بِدارِن، هَمونجور که شیمی میَن اینجور هَبا.

² تا شَرورِ آدمان و گُناهکارانِ جی آزاد هَبیم، چون همه ایمان نِدارَن.

³ وَلی خداوند وفاداره؛ اون شِمِره قوَّت دَنِه و اون شریرِ پِیش شِیمی جی محافظت کانه.

⁴ اَما خُداوندِ دِلِه شِمِره اطمینان داریم، اونچه که شِمِره حُکم کانیم رِه، بِجا هارنین و انجام دَنید.

⁵ خُداوند شیمی دِلِ خُدایِ مُحبت و مسیحِ پایداری یه هَمرَه هدایت هَکونه.

هُشدار، تمبَلِ آدمانِ وَسین

⁶ اِی اَداشان، اَمیِ خُداوند عیسی مَسیح اِسمِ هَمرَه شِمِره حُکم کانیم که هر اَداشِ جی که تَمبَلی کانه و اون تعالیم مِثان که اَمی جی بِیتین رفتار نُکانه، دوری هَکُنید.

⁷ چون شُما خودتان دانید که چِطور بایسّی اَمیِ جی سرمشق هَگیرین. چون اون موقِه ایی که اَما شِیمی هَمرَه دَبِییم، تَمبلی نَکُردیم

⁸ و هیچکسِ نانِ، مُفتی نُخاردیم، بلکِه سختی و زحمتِ هَمرَه شُو و روز کار هَکُردیم، تا هیچکِدام از شیمی سَربار نَبیم.

⁹ نه اینهِ خاطری که اَما این حقِّ نِداریم، بَلکه خَسّیم ایتا نمونه شِمِرِه هَدیم تا اونه جی سَرمَخش هَگیرید.

¹⁰ چون حتّی اون موقِه که شیمی هَمرَه دَبِییم، اینه شِمِره حُکم هَکردیم که «اگه هر کی نَخَنِه کار هَکونه، نان هم نُخارِه.»

¹¹ چون اَما اِشنَوِنیم که شیمی میَن بَعضیان تمبلی کانَن. ایشان کار نُکانَن، بلکه مردم کارِ دِلِه فضولی کانَن.

¹² اَسِه، خُداوند عیسیِ مَسیح اِسمِ دِلِه اینجور آدمان حُکم کانیم و اوشانه نَصیحت کانیم که آرام و قرار هَگیرین، و خودِشانِه روزی رِه دَر بیارِن.

¹³ وَلی شُما اِی اَداشان، خُوبی هَکُردَن جی خَسِّه نَبین.

¹⁴ اگه ینفر اونچه که این نامِه یه دِلِه که اَما گونیم رِه اِطاعَت نَکُنِه، اونه نِشان هَکُنید و اونه هَمرَه رفت و آمد نَکُنین تا خِجالت بَکِشِه.

¹⁵ ولی اونه دُشمَن نِشمارید، بلکِه ایتا اَداشِ مِثان اونه هُشدار هَدین.

دُعای خیر

¹⁶ اَسِه، خُداوندِ صُلح و سلامتی خودِش، هَر موقِه و هر وضعیت دِلِه شِمِره صُلح و سلامتی هَدِه. خداوند شیمی همه یه هَمرَه دَبو.

¹⁷ مَن، پولُس، می دَسخَطِ هَمرَه این سلامِ نِویسِنَم. این تمام می نامه‌هانِ نِشانِئِه. مَن اینجور نِویسِنَم.

¹⁸ اَمی خُداوند عیسی مَسیح فیض شیمی همه یه هَمرَه دَبو.