دوم یوحنا 1 - گیله ماز

¹ شِیخِ جی، به مُحتَرَمِ بانو و اونه وَچِه هان که ’حَقیقَتِ‘ دِلِه اوشانِ دوس دارَم - وَ نه فقط مَن، بلکه تمام اوشانیکه حَقیقَتِ بِشناختَن -

² اون حَقیقَتِ خاطری که اَمیی دِلِه دَرِه و تا اَبد اَمیی هَمرَه ماندِنه.

³ فیض و رَحمَت و سلامتی، خُدای پیَرِ طَرف جی و عیسی مَسیح طَرف جی، اون پیَرهِ ریکا، حقیقَت و مُحَبتِ دِلِه اَمیی هَمرَه ماندِنه.

مُحبَت و حَقیقَتِ دِلِه زندگی هَکُردَن

⁴ مَن خِیلی خوشحال هَبام که بِفَهمِسَّم تی وَچِه هان جی بعضیان طبقِ همون حُکمی که پیَرهِ جی بِیتِیم، ’حَقیقَتِ‘ دِلِه زندگی کانَن.

⁵ اَسِه، عزیزِ بانو، تی جی ایتا خواهِش دارَم. نه اونکه ایتا تازِه حُکم تِرِهِ بَنویسَم، بلکه همون حُکم که اَز اوَّل داشتم، که هَمدِیگَرِ مُحَبَت هَکُنیم.

⁶ وَ مُحَبت اینه که اَما طِبقِ اونه اَحکام زندگی هَکُنیم. آرِه، هَمونجور که اَز اوَّل بِشنَوِسّین اونه حُکم اینه که مُحبتِ دِلِه زندگی هَکنید.

⁷ چون دُنیایِ دِلِه خیلی حُقِّ بازِ آدَمان دَرِن، که اوشان اعتراف نُکانَن عیسی مسیح آدَمی یه جِسمِ دِلِه بوما. اینجور آدَم، همون حُقِّ باز و ضِدِّ مَسیحِ.

⁸ هوشیار هَبین تا اون کارِ ثَمرِه که اَما هَکُردیم رِه به باد نَدین، بلکه ایتا کامِل پاداشِ هَگیرین.

⁹ هر کَسی که مَسیح تَعلیم جی پِیشتر بوشو و اونه دِلِه ثابت نُمانهِ، خُدا رِه نِداره. هر کسی که اون تَعلیم دِلِه ثابت بُمانه، هم پیَر رِه دارِه و هَم ریکا رِه دارِه.

¹⁰ اَگه کَسی شِیمی وَرجه بیه و این تَعلیمِ نیارِه، اونه شیمی سِرِه را نَدین و اونه خُش آمد نَگین؛

¹¹ چون اونیکه اونه خُش آمد باگو، اونه شَریرِ اَعمالِ دِلِه شریک بونه.

سَرآخر

¹² هَر چَن خِیلی چیزا دارَم که شِمِره بَنویسَم، وَلی نَخَنَم مُرَکَب و کاغذِ هَمرَه هَبو. بلکه اُمید دارَم شِیمی وَرجه بییَم و رُو دَر رُو گَب بَزِنیم تا اَمیی خُشحالی کامِل هَبو.

¹³ تی مُحتَرَمِ خاخُر وَچِه هان، تِرِه سلام رِساندِنِن. آمین!