اول تیموتائوس 5 - گیله مازتَعلیمان کِلیسای وَسین 1 پیرِ مَردَای رِه سَرامکو نَکُن، بلکه اونه تیِ پیَرِ مِثان نَصیحت هَکُن، و جَوانان ایتا تیِ اَداشانِ مِثان، 2 وَ پیرِ زِناکان رِه تیِ مآره مِثان، وَ جَوان زِناکان رِه ایتا تیِ خاخُران مِثان، تمام پاکی یه دِلِه. 3 بیوِه زناکان اگه راس راسی بی کَسِن رِه، حُرمَت بَنی. 4 وَلی اَگِه ایتا بیوِه زِنا، وَچِه هان و نَوِه ها دارِه، اوشان اوّل بایسّی یاد هَگیرَن که خودِشانِه خانوادِه یه مُواظِبَت هَکُردَن هَمرَه، خودِشانِه دینداری رِه نِشان هَدَن و اینجوری خودِشانِه دِینِ خودِشانِه پیَر و مآر و خودِشانِه اَجدادِ وَسین بِجا بیارِن، چون این خُدا رِه راضی کانه. 5 اونیکه راس راسی بیوِه و بی‌کَسِ، خُدا رِه اُمید داره و شُو و روز دُعایِ هَمرَه و خُدای جی کمک بِخَسِّن گُذَراندِنِه. 6 ولی اگه ایتا بیوِه زِنا عیاشی یه دِلهِ زندگی کانه، با اینکه زِندِئِه، ولی بَمِردِه. 7 این چیزان رِه هم حُکم هَکُن، تا اوشانه زندگی یه دِلهِ هیچی دَنِبو که اونِ خاطِری سرکوفت بُخارِن. 8 ولی اَگِه ینفر خودشه فامیلِان بِخصوص خودشه خانوادهِ یه احتیاجاتِ دُمّال دَنِبو، خودشه ایمانِ اِنکار کانه و ایتا بی ایمان جی بَدتَرِ. 9 فقط اون بیوه زناکانِ اِسمِ بَنویس که شَصت سالِ جی بیشتَر هَبون و یِدَفِه شو هَکُردهِ بون. 10 وَ خُجیرِ کارانِ انجام هَدَئنِ دِلِه معروف هَبون، یَعنی خودِشانِه وَچِه هان رِه خُجیر گَت هَکُردهِ بون، غریب نواز هَبون، مُقدّسینِ لنگِ بَشورد بون، دَردمَندانِ جی مُراقبت هَکُردهِ بون، وَ خودِشانِه هرجور خُجیرِ کارِ وَسین وَقف هَکُردهِ بون. 11 وَلی جَوانِ بیوِه زِناکانِ اِسمِ نَنویس، چون وختی که هوا و هوس، اوشانه مَسیح جی دُور هَکونه، خَنِن شو هَکونَن. 12 اینِه وَسین محکوم بونِن چون خودشانه اوّلین عَهدِ لِنگِ جیر بَنَن. 13 بِعلاوِه، اوشان تنبلی رِه یاد گیرِنَن، این سِرِه اون سِرِه شونِن؛ نه فقط تنبلی، بلکه خبرچین و فوضول بونَن، و بَدِ گَب خودِشانه تُکِ سَر هارنَن. 14 پَس می نَظَر اینه که جَوانِ بیوه زِناکان شو هَکُنَن، وَچِه بیارِن و خانه داری هَکُنَن و دُشمَنِ فُرصَت نَدِن که تُهمت بَزِنِه. 15 چون اَلآن هَم بعضیان شِیطانِ دُمّال بَشَن و گُمراه هَبان. 16 اَگِه ایتا ایماندارِ زِنا، خودشه فامیلانِ دِلهِ بیوِه بِدارِه، بایسّی خودِش اوشانه کُمک هَکونه تا کلیسای سَربار نَبو و کلیسا بَتَّنهِ اون بیوه زناکانِی رِه کُمک هَکونه که راس راسی بی کَسِن. 17 مشایخی که خُجیر رهبری هَکُردهِ بون، دو برابر حُرمتِ لیاقتِ دارَن، بخصوص اوشانیکه موعظه و تعلیم وَسین زَحمَت کَشِنَن. 18 چون توراتِ کِتابِ دِلِه گونِه: «گُویی که دَرِه خَرمَن کانه یه دَهَنِ دَنِبِد» وَ «کارگَر بایِسّی خودشه دسمُزِّه هَگیره.» 19 هیچ تُهمتی کِلیسای ایتا از رهبران علیه قبول نَکُن، مَگِه اینکه دو یا سِه تا شاهدِ، گَواهی یه هَمرَه هَبو. 20 اوشانیکه گُناه دِلِه پافشاری کانَن رِه، همه یه ور سَرامکو هَکُن تا بَقیِه بَتِرسِن. 21 خُدا و مسیحْ عیسی و اِنتِخاب هَبوسِّه فِرِشتِگانِ پِیش، تی جی خواهش کانَم که این قانونان رِه بدونِ هیچ غَرَضی رعایَت هَکُنی و هیچ کاری رِه طرفداری یه سَر نَکُنی. 22 اینه وَسین که یِنَفرِ خِدمتِ وَسین تعیین هَکُنی عجله نَکُن، بَقیِه یه گُناهانِ دِلهِ شریک نَبو، تِرِه پاک بِدار. 23 دِ فقط اُو نُخار، بلکه تیِ میدِه و ناخوشیهایی که هَمِش داری یه وَسین، یه میثقلی شراب بُخار. 24 بعضی آدمانِ گُناهان مَعلومِ، و پیش پیش داوری هَبوسَّنِ سَمت شونِن، وَلی بقیه آدمانِ گُناهان دیرتَر معلوم بونه. 25 پس خُجیرِ کاران هم مَعلومِ، و حتّی اوشانی رِه که مَعلوم نییِه، نَشَئنِه جا هَدَه داشتَن. |
@ 2024 Korpu Company