Biblia Todo Logo
Bìoball air-loidhne

- Sanasan -

اول تیموتائوس 4 - گیله ماز


بعضیان ایمان جی وَگِردِنِن

1 وَلی خُدایِ روح واضِح گونِه که آخرین زَمانهایِ دِلِه، بَعضیان خودِشانِ ایمان جی وَگِردِنَن، اون روحهای جی که گول زَنَن و آلِشانه تعالیم پیروی کانَن.

2 دُروزَنان و دُرُویانی اینجور تعالیمِ هارنَن که اوشانه وِجدان بَمِردِه.

3 ایشان، عروسی هَکُردَنِ مَنع کانَن و دَستور دَنِن اون غذاهایی که خُدا خلق هَکُردِه رِه نُخارَن تا اوشانیکه حَقیقَتِ ایمان دارَن و اونِه اِشناسِنَن، شُکر هکُردنِ هَمرَه غذاهای جی بُخارِن.

4 چون هر چه که خُدا خلق هَکُردِه خُجیرِ، و هیچی رِه نبایِسّی رَد هَکُردِن، هر وقت شُکر هکُردنِ هَمرَه قَبول هَبو،

5 چونکه خُدایِ کلام و دُعایِ هَمرَه تقدیس بونه.

6 اَگِه این چیزانِ اَداشانِ یاد بیاری، مسیحْ عیسی یِه پاکار بونی، که ایمان کلامِ دِلِه و خُجیرِ تعلیم که اونه دُمّال دَری تربیت بونی.

7 تِرِه اَفسانه هانِ جی که کفرآمیز و پوچِ دور بِدار، بلکه تِرِه دینداری یه هَمرَه تربیت هَکُن.

8 چون هر چَن تربیت هَکُردن یِکَم تَنِ وَسین فایده داره، وَلی دینداری هَمِه چی یه وَسین فایده داره، چون هَم، این زندگی رِه وَعده دَنه، هم زندگی ایی که هَنه رِه.

9 این گَبِ شَئنِه اِطمینان هَکُردن و هر بابتِ جی کاملاً قابلِ قبولِ.

10 چون اَما اَمی اُمیدِ زندهِ خُدایِ سَر بِنَیم که تمام آدَمان نِجات دَهَندِه ئِه بِخصوص اوشانیکه ایمان دارَن واَما اینه خاطِری زَحمت کَشِنیم و تقلّا کانَیم.

11 این چیزانِ حُکم هَکُن و تعلیم هَدِه.

12 نُزار هیچکی تی جَوانی رِه کوچِک بِشمارِه، بلکه گَب بَزَئن دِلِه، کِردارِ دِلِه، مُحبتِ دِلهِ، ایمان دِلِه و پاکی یه دِلِه، تمام ایماندارانِ وَسین سَرمشق هَبو.

13 تا مَن بییَم، تِرِه اینهِ وقف هَکُن که خُدایِ کلامِ مَردمِ وَسین بُخانی و اوشانه تشویق هَکُنی و تعلیم هَدی.

14 اون عطائی که تی دِلِه دَرِه رِه بی‌اعتنایی نَکُن، عطایِی که نَبوّتِ هَمرَه بِدس بیاردی، اون موقِه که شورایِ مشایخِ تی سَر دَس بَنَن.

15 این چیزانِ انجام هَدِه و تِرِه اونه وقف هَکُن تا تی تَرقی هَمِه یه وَسین معلوم هَبو.

16 خوُب تی حواس تِرِه و اون تَعلیمی که دَنی رِه هَبو. اوشانه دِلِه پابرجا هَبو، چون این کارِ هَمرَه، هم تِرِه هم اوشانیکه تی گَبِ اِشنَوِنَن رِه نِجات دَنی.

@ 2024 Korpu Company

Lean sinn:



Sanasan