اوّلین نامِه قُرنتیانی سِه 6 - گیله مازایمانداران میَن دعوا مُرافِه 1 هر وَخت یِنَفر شیمی جی یَنفر دیگَرِ جی شِکایت بِدارِه، چِطور جُرأت کانه اونِه، نه مُقَدَسین ور، بلکه گُناهکارانِ مَحکمه بَبِره؟ 2 مَگِه نِدانین که مُقدَّسین دُنیا رِه داوری کانَن؟ پَس شُما که قَرارِ دُنیا رِه داوری هَکُنید، چِطور نَتَّنِین این کوچِ چیزانِ بارِه قِضاوت هَکنید؟ 3 مَگِه نِدانین که اَما فِرشتِگان رِه داوری کانیم؟ چه بَرِسِه این چیزانِ باره داوری هَکُردَن که زندگی رِه مربوط بونه. 4 پَس چرا اون موقه که این چیزان شِیمی میَن اتفاق دَکِنِه، اوشانه پیش بَرنین که کلیسای دِلهِ هیچی بِه حِساب نییَنِن؟ 5 اینه گونَم تا شِمِره شَرمَندِه هَکُنَم. مَگِه شِیمی میَن یِنَفَرعاقِلِ آدَم دَنیِه که بِتَّنهِ این چیزان رِه اَداشانِ میَن حَل و فصل هَکونه؟ 6 ولی، اَداش اَداش عَلیه به محکمه شونِه، اونم بی‌ایمانان ورجه! 7 اصلاً شِیمی میَن اینجور دعوا مُرافه هایی، خودِش شِمِره سرشکستِگیه. چِرا نَخَنین مظلوم آدَمان مثان هَبین؟ چِرا حاضِر نیَین ضرر هَکونید؟ 8 ولی، شما خودتان ظلم کانید وبقیه رِه هم ضرر زَنید، حتّی شیمی اَداشان رِه. 9 مَگِه نِدانین اوشانیکه بقیه ره ظلم کانِن خُدای پادشاهی یه وارِث نَبونَن گول نُخارین! نه بی عفتان، نه بُت پَرَسّان، نه زَنا کاران، نه لواط گران 10 نه دُزِّشان، نه حریصِان، نه عرق خوران، نه اوشانیکه فاش دَنَن و نه حیله گران خُدایِ پادشاهی یه وارِث نَبونَن. 11 شیمی جی بعضیان قبلاً اینجور بِین، وَلی عیسی مسیحِ خُداوندِ اِسمِ دِلِه و اَمیِ خُدایِ روحِ طریقِ جی بَشوردِ هَبَین، تقدیس هَبَین و صالِح بِشمارِسِّه هَبَین. بی عفتی یه جی دَر بیشین 12 «مَرِه هَمه چی جایزِ،» وَلی هَمِه چی مفید نییِه. «مَرِه هَمِه چی جایِزِه،» وَلی نُزارنَم هیچ چی می سَرمُسلّط هَبو. 13 «غذا شِکَمِ وَسین هیسه و شِکَم غذای وَسین، و خُدا، هم این وهم اونِه از بیِن بَرنهِ.» وَلی تَن بی عفتی یه وَسین نیِه، بلکه خُداوندِ وَسین هیسه و خداوند هَم تنِ وَسین، 14 و خُدا، خداوند رِه مردگانِ جی زندهِ هَکُردِه و اَمَرِه هم خودِشِ قوَّتِ همرَه زندهِ کانه. 15 مَگِه نِدانین که شِیمی تَن مسیحِ اعضائِه؟ مَسیحِ اعضا رِه هَگیریم و اوشانه ایتا فاحشه یه اعضا مثان هَکُنَم؟ اَصلاً! 16 مَگِه نِدانین یِنَفَر که فاحشه یه هَمرَه دَبو، اونه هَمرَه یه تن بونه؟ چون تورات کتابِ دِلِه بَنوِیشتِ هبا: «اون دُتا یه تن بونَن.» 17 وَلی اونیکه خُداوَندِ هَمرَه ایتا هَبو، اونه هَمرَه ایتا روحِ. 18 بی عفتی یه جی دَر بیشین! هر گُناه دیگَرِی که آدَم هَکونه اونه تَنِ جی دِرگائه، وَلی اونیکه بی عفتی کانه، خودِشه تَن گُناه کانه. 19 مَگِه نِدانین که شِیمی تَن روح القدُس معبدِ که شیمی دِلِه دَرِه و اونِه خُدایِ جی بِیتین؟ شما دِ شیمی شین نییَین. 20 چون شُما یِه قیمتِ هَمرَه بَهیِّه هَبَین، پَس خُدا رِه شیمی تَنِ دِلِه جَلال هَدین. |
@ 2024 Korpu Company