ዬ ማጻፋ 99 - Geeshsha Maxaafa

¹ GODAY kawotides! Hessa gishshas asay kokkoro! kirubeta giddon kawoteththa araatan uttides; hessas biittayka qaaxxo.

² GODAY Xiyoonen gita; kawoteththa ubbaafe izi dhoqqu dhoqqu gides.

³ Gitanne keehippe yashissiza ne sunththa istti ubbay sabbetto! izi dumma!

⁴ Tuma pirda dosiza wolqqama kawo! neni suureteththas yoch yeggadasa; neni Yaaqoobes tumu pirdanne xilloteth essadasa.

⁵ Izi dumma gidida gishshas GODAA nu Xoossaa dhoqqu dhoqqu histtite; iza toho garsankka gufannidi izas goynnite.

⁶ Iza qeeseta giddofe Museynne Aarooney deettes; Sameelikka iza sunththan woossidaytappe issaa; istti GODAAS waassida; izikka istta waaso allides.

⁷ Izi shaara tuussa giddora isttas haasaydes; istti izi immida maaraanne woga naagida.

⁸ Abeet GODAWU, nu Xoossawu! neni istta woosa siyadasa; neni istta iitateththaa gishshas qaxxaydaa gidikkoka isttas atto gida Xoossa.

⁹ GODAA nu Xoossaa dhoqqu dhoqqu histtite; iza geeshsha zuma bollan izas goynnite; ays giikko GODAA nu Xoossay geeshsha Xoossa.