ዬ ማጻፋ 97 - Geeshsha Maxaafa

¹ GODAY kawotides; sa7an de7iza asay ufayetto; abba giddon de7iza haruroti ufayetetto.

² Shaaraynne sakkanna dhumay iza yuuyi aadhdhides; xilloteththinne tumateththi iza kawoteththa araataas yochcha.

³ Tamay izappe sinththara bees; iza yuushon diza morkketakka xuuggees.

⁴ Iza wolqqanththi sa7a poo7isees; biittay hessa be7idi qaaxxees.

⁵ GODAA sinththan, sa7a ubbaa Godaa sinththan zumati muqaadda mala seerida.

⁶ Saloti iza xilloteththaa awajjeettes; asay ubbay iza bonchcho be7ees.

⁷ Misletas goynnizaytinne eeqa xoossatan ceeqettizayti ubbay yeellatetto! eeqa xoossati Ubbay GODAAS gulbatetto!

⁸ Abeet GODAWU! Xiyoone asay ne xillo pirda siyidi ufayettees; Yuhuda katamatikka, «Hashshu» geettes.

⁹ Abeet GODAWU! Neni sa7a ubbaafe dhoqqaasa; xoossata ubbaafe neni gitataasa.

¹⁰ GODAA dosizaytoo! Iita ixxite; izi baas ammanettizayta shemppo naagees; qasseka iitata kusheppeka ashshees.

¹¹ Xillotas poo7oy poo7i poo7i baana; wozina suuretas ufayssi daana.

¹² Intteno xillotoo! GODAAN ufayettite; geeshsha sunththa izayssa galatite.