ዬ ማጻፋ 83 - Geeshsha Maxaafa

Aasaafe Mazamure

¹ Abeet Xoossawu! Co7u gooppa! sirphi gooppa! Abeet Xoossawu! qelli gooppa!

² Be7a! Ne morkketi ne bolla dendida; nena ixxizayti ne bolla ba qoodhe qaaththida.

³ Istti ne asa bolla geeman gene duulatida; neni siiqiza asata bolla maqettida.

⁴ Istti, «Haa yiite! Istta kawoteththa dhayssoos; Isra7eele geetettiza sunththi mernaas hassa7ettontta mala ooththoos» gida.

⁵ Istti issi wozina gididi issife maqettida; ne bolla dendanaas caaqettida.

⁶ Isttika Eedoome asata, Isma7eele asata, Mo7aabe zareta, Aggaari zareta,

⁷ Gebaale asata, Amoone asata, Amaaleeqe asata, Filisxeeme asatanne Xiroose asata.

⁸ Asoore asati isttara issifeteth medhdhida; Looxe zaretaskka maado gidida.

⁹ Neni Midiyaame asata bolla, Sisaaranne Yaabine bolla Qisoone Shaafan ooththida mala istta bolla ooththa.

¹⁰ Istti En-Doore geetettizason dhayda; istta ahay moogettontta biitta bolla wooqqides.

¹¹ Oreebe bollanne Za7eebe bolla ooththida mala istta halaqata bolla ooththa; Zebahanne Xalmuna dhayssida mala istta haarizaytakka neni dhayssa.

¹² Heyti, «Nuni Xoossa asaa biitta nuus buzoththana» gidayta.

¹³ Abeet ta Xoossawu! Istta gudulla mala laalla; carkoy efiza suulla mala ooththa.

¹⁴ Xaragay wora miidi wursiza mala, tama lacoy zuma may7iza mala,

¹⁵ goten ne istta daganththa; ne uushonkka istta yedeththa.

¹⁶ Abeet GODAWU! Asay ne sunth koyana mala neni istta ayfeso yeella mayza.

¹⁷ Istti mernaas yeellatetto; hirgettonne kawuyi dhayetto.

¹⁸ Ne sunththay GODAA gididayssanne sa7a ubbaa bolla neni xalla Ubbaafe Dhoqqa Xoossa gididayssa istti eretto.