ዬ ማጻፋ 67 - Geeshsha Maxaafa

Zammareta Kaabbos Diiththatan Yexxida Mazamure

¹ Xoossi nuus qadhettonne nuna anjjo; ba ayfeso nu bolla poo7iso.

² Ne ogeti sa7a bollan, ashshiza ne wolqqayka kawoteththata ubbaa giddon erettetto.

³ Abeet Xoossawu! Asay nena galato; kawoteth ubbay nees galata shiishsho.

⁴ Neni asas suureteththan pirdiza gishshas sa7a bollaka ne deraa kaaleththiza gishshas kawoteththati ufayetetto; ililishekka nees yexxetto.

⁵ Abeet Xoossawu! Asay nena galato; kawoteth ubbay nees galata shiishsho.

⁶ Biittay kath immana; Xoossi, nu Xoossay nuna anjjana.

⁷ Xoossi nuna anjjana; Sa7a gaxa gakkanaas diza asay ubbay izas yayyana.