ዬ ማጻፋ 60 - Geeshsha Maxaafa

¹ Abeet Xoossawu! Neni nuna aggadasa; nuna menththereththa yeggadasa; neni nuna hanqettadasa; ha7i gidikko simmada nuna giigsa.

² Neni biittayo qaaththada za7isadasa; iza kokkoriza gishshas neni izi za7a kunththa.

³ Neni ne asaa meto bessadasa; neni nuna maththosiza woyne ushshu ushshadasa.

⁴ Nees yayyizayti bantta morkketa wondafeppe attana mala malata immadasa.

⁵ Neni siiqizayti attana mala ne wolqqan nuna ashsha; neni nuukko alla.

⁶ Xoossi ba keeththan dishe, «Tani xoonada Seekeeme biitta shaakkana; qasse Sukoote shoobbaa gishana.

⁷ Gala7aadeynne Minaasey tayta; Efreemey taas hu7e qoobe; Yuhuday taas kawoteththa guufe.

⁸ Mo7aabey ta meecettizaso; Eedoomey taas caamma woththizaso; tani Filisxeeme xoonada gererana» gides.

⁹ Gimbettida katamaakko tana oonee efanay? Eedoome gakkanaas tana oonee kaaleththanay?

¹⁰ Abeet Xoossawu! Nuna aggiday nena gidikkii? «Neni nu tooranchchatara olas kezikke» gadasa.

¹¹ Asappe gidida maadoy hada; hessa gishshas nu morkketa bolla nuus xoono imma.

¹² Xoossa wolqqan nu morkketa nuni xoonana; izi nu morkketa yedhettana.