ዬ ማጻፋ 47 - Geeshsha Maxaafa

Qoore Nayti Zammareta Kaabbos Yexxida Mazamure

¹ Kawoteth ubbay intte kushe baqqite; intte qaala dhoqqu ooththidi Xoossas ilili giite.

² Biitta ubbaa bolla bayra kawoy Ubbaafe Dhoqqa Xoossay izi yashissiza Xoossa.

³ Deraa nu gars aaththides; kawoteththatakka nu toho garsan haarisides.

⁴ Izi nuus laata biitta doorides; he biittayn izi dosiza Yaaqoobey ceeqettees.

⁵ Ililishin Xoossay ufayssan zaye punnishin GODAY pude ba araatan kezides.

⁶ Yexxite, Xoossas yexxite; yexxite nu kawozas yexxite.

⁷ Xoossi alame ubbaas kawo; hessa gishshas galata mazamure izas yexxite.

⁸ Xoossi kawoteththata bolla kawotides; ba geeshsha araata bollaka uttides.

⁹ Kawoteththata kaaleththiza daannati Abrahaame Xoossaa asaara issife shiiqida; dere ubbaa kawoti Xoossassa; izi ubbafekka bollara dhoqqa.