ዬ ማጻፋ 46 - Geeshsha Maxaafa

Geela7o Nayta Eedo Geetettiza Yeththan Qoore Nayti Zammareta Kaabbos Yexxida Mazamure

¹ Xoossi nuni shiiqi attizasonne nuus wolqqa; nuna metoy gakkiza wode maaddanaas izi ubbato matan dees.

² Hessa gishshas biittay qaaxxiko, zumatikka duge abban gelikko nuni yayyoko.

³ Abba dambalaykka guummidi hoomotikko, iza wolqqama hanon zumati kokkorkkoka nuni dagammoko.

⁴ Xoossa katama, Ubbaafe Dhoqqa Xoossay dizason ufayssiza shaafati deettes.

⁵ Xoossi izi giddon diza gishshas he katamaya qaaxxuku; wontta maaladora Xoossi izo maaddana.

⁶ Kawoteththati makkallan dendida; kawotikka kundida; izi ba qaala dhoqqu histti sissides; biittayka seerides.

⁷ Ubbaafe wolqqama GODAY nunara dees; Yaaqoobe Xoossi nu qotetti attiza qol7a.

⁸ Haa yiite; GODAA ooso xeellite; izi sa7a wostti bulasidaakko be7ite.

⁹ Izi sa7a gaxappe gaxa gakkanaas diza ola teqqees; wondafenne toora menththees; gondalleka taman xuuggees.

¹⁰ Shempi uttite; tani Xoos gididayssa erite; kawoteththata bolla ta dhoqqu dhoqqu gaana; biitta bollaka ta dhoqqu dhoqqu gaana.

¹¹ Ubbaafe wolqqama GODAY nunara dees; Yaaqoobe Xoossi nu qotetti attiza qol7a.