ዬ ማጻፋ 4 - Geeshsha Maxaafa

Dawiti Zammareta Kaabbos Osppun Shayan Waaxettida Diiththan Yexxida Mazamure

¹ Abeet ta xillo Xoossawu! Tani xeygiza wode ne taas koya. Tani un7ettida wode, neni tana shempisadasa; taas qadhettada ta woosa siya.

² Intteno asatoo! Intte awude gakkanaas ta bonchcho kawushshanee? Intte awude gakkanaas hada miish siiqanee? Intte awude gakkanaas wordo miish kaallanee?

³ GODAY xillo asata baas shaakki dumma woththidayssa intte erite; hessa gishshas tani GODAA xeygiza wode izi taas siyees.

⁴ Hanqettite; gido attiin intte hanqon nagara ooththofte. Hiixan ichchi diza wode sirphi giidi intte wozina qorite.

⁵ GODAAS bessiza yarsho yarshite; GODAANKKA Xoossankka ammanettite.

⁶ Daroti, «Nuna lo7o bessanay oonee?» geettes; Abeet GODAWU! Ne lo7o ayfesoy nu bolla poo7o.

⁷ Kaththinne woyne ushshu daro demmidi harati ufayettizayssafe aaththada neni ta wozina ufayssan kunththadasa.

⁸ Abeet GODAWU! Ne xalla tana saron naaga ayssiza gishshas tani ichchada saroteththan dhiskays.