ዬ ማጻፋ 29 - Geeshsha Maxaafa

Dawite Mazamure

¹ Intteno salon diza medhetatoo! «Bonchchoynne wolqqay GODAASSA» giidi yootite.

² GODAA bonchcho sunththaa galatite; Iza geeshshateththa teemas GODAA goynnite.

³ GODAA cenggurssay haaththata bollan siyettees. Bonchcho Xoossay dada mala guummees; GODAY gita haaththata bollan guummees.

⁴ GODAA cenggurssay wolqqama; GODAA gunththay, «Nees hoola!» giissizaaza.

⁵ GODAA cenggurssay ziga miththa menththereththees; Libaanoose zigatakka GODAY menththereththees.

⁶ Libaanoose zumaa galo mara mala buraqissees; Siriyoone zumaakka menththa mala xikisees.

⁷ GODAA cenggurssay wolqqanth popol7u gees.

⁸ GODAA cenggurssay bazzo qaaththees; GODAY Qaadeese Bazzo qaaththees.

⁹ GODAA cenggurssay wolata qaaththees; miththa hayththika qoqofees. Iza Keeththan de7izayti, «Bonchchoy GODAAS gido» geettes.

¹⁰ GODAY di7o haaththa bolla ba araata woththidi uttides; GODAY ba kawoteththa algan uttidi mernaas haarees.

¹¹ GODAY ba deraas wolqqa immees. Ba asaakka saroteththan anjjees.