ዬ ማጻፋ 24 - Geeshsha Maxaafa

Dawiti Yexxida Mazamure

¹ Sa7aynne sa7an kumida ubbay GODAASSA; salo gufanththon diza ubbay Xoossassa.

² Sa7aa gita abbata bolla miccides; haaththa bollaka minththidi essides.

³ GODAA zuma bolla kezanay oonee? Iza geeshshasohon eqqanay oonee?

⁴ Iza kushey nagarappe geeyiday, iza wozinay geeshsha gididay, eeqa xoossatas goynnonttay, wordo caaqqonttay,

⁵ izi GODAAPPE anjjo ekkana; bana ashshiza Xoossafe xillo pirda demmana.

⁶ Xoossako xeelliza asaynne Yaaqoobe Xoossaa sinth koyza asay heytantta mala.

⁷ Kareti doyettetto; Bonchcho Kawoy gelo; beni pengeti iza ufayssan mokkite!

⁸ He Bonchcho Kawoy oonee? Minonne wolqqama GODAA! Olaska izi wolqqama GODAA!

⁹ Kareti doyettetto; Bonchcho Kawoy gelo; beni pengeti iza ufayssan mokkite!

¹⁰ Ha Bonchcho Kawoy oonee? He Bonchcho Kawoy salo medheteththa GODAA!