ዬ ማጻፋ 20 - Geeshsha Maxaafa

Dawiti Zammareta Kaabbos Yexxida Mazamure

¹ Neni metotida wode GODAY ne woosa siyo; Yaaqoobe Xoossa sunththi nena minththi esso.

² Ba Keeththafe nees maado kiitto; Xiyooneppe maadoy yo.

³ Ne yarsho ubbaa izi akeeko; ne xuuggiza yarshon izi ufayetto.

⁴ Ne wozina amo nees immo; ne halchcho ubbaa polo.

⁵ Ne xoonida gishshas nuni ufayssan hombocana; nu Xoossa sunththan nu bandira dhoqqu ooththana; ne woosa ubbaa GODAY nees immo.

⁶ GODAY ba doorida kawozas xoono immizayssa tani ha7i eradis; ba ushachcha kushezan izi gita xoonon kunththana; ba geeshsha saloppeka izas zaaro immana.

⁷ Issoti issoti bantta ola para-gaaren ammanetteettes; harati bantta paran ceeqetteettes; nuni gidikko nu GODAA wolqqan ceeqettoos.

⁸ Istti dhuphettidi kundana; nuni gidikko dendidi minni eqqana.

⁹ Abeet GODAWU! Kawozas xoono imma; nunikka nena xeygiza wode siya.