ዬ ማጻፋ 2 - Geeshsha Maxaafa

¹ Kawoteththati ays dendizoo? Qasse kawoteththay ays iita ooththanaas maqettizee?

² Sa7a kawotinne daannati dendida; istti GODAA bollanne GODAY tiydayssa bolla dendanaas issife duulatida.

³ Istti, «Ane nuni istta sansalataa duuththoos; istti nuna qachchizayssaka kessi wora oloos» geettes.

⁴ Salon ba araata bolla uttidayssi istta bolla miiccees; Goday istta qidhees.

⁵ Goday ba hanqon istta seerees; ba wolqqama hanqon istta daganththees.

⁶ Goday, «Tani ta geeshsha zuma Xiyoone bolla ta kawoza kawoththadis» gees.

⁷ He kawoy, «Tani GODAA woga awajjana; GODAY tana, ‹Neni ta naa; tani nena hach yeladis.

⁸ Neni tana oychcha; tani kawoteththa ubbaa nees immana; sa7a ubbay nees gidana.

⁹ Neni birata guufen istta qoxereththana; istta neni mana miishshi meqqiza mala menththereththana› gees» gides.

¹⁰ Hessa gishshas intteno kawotoo akeekite; ha sa7a haarizaytoo intte naagettite!

¹¹ GODAAS yashshateththan ooththite; izas kokkorsan haarettite.

¹² GODAY hanqettiin ogen intte dhayontta mala izas suure wozinan goynnite; ays giikko iza hanqoy eeson eexxi kezana. Iza banttas zemppo ooththizayti anjjettidayta.