ዬ ማጻፋ 149 - Geeshsha Maxaafa

¹ GODAY galatetto! GODAAS ooraththa mazamure yexxite! Geeshshata shiiqoson izas galata mazamure yexxite!

² Isra7eele asati bana medhdhidayssan ufayettetto; Xiyoone asati ba kawozan keehippe ufayettetto.

³ Durishe karabe baqqishenne diith diixxishe iza sunth sabbetto.

⁴ GODAY ba asan ufayettees; ashketa ashshidi bonchchon puulasees.

⁵ He puulateththaan Xoossa asati ufayssan yexxetto; gadey wonttana gakkanaas ililishe yexxetto.

⁶ Istta doonan Xoossa galatay, istta kushenkka qara giththa mashshay de7o.

⁷ Istti hessan kawoteththata bolla halo kessana; asaakka qaxxayana.

⁸ Istta kawota sansalatan, istta ola qaratakka biratan qachchana.

⁹ Hessan istta bolla xaafettida pirda polidi Xoossa asati xoonana. GODAY galatetto!