ዬ ማጻፋ 146 - Geeshsha Maxaafa

Ashshiza Xoossas Shiiqida Galata

¹ GODAY galatetto! Ta shemppoyee, GODAA galata!

² Ta de7o layththa ubbaan tani GODAA galatana; tani shemppora paxa diza wode ubbaan ta Xoossa sabbana.

³ Dere ayssizaytan ammanettofte; As ashshanawu dandayontta asho may7ida medhetatan ceeqettofte.

⁴ Istta shemppoy keziza wode istti biittan simmana; istta halchchoy ubbay he gallas attana.

⁵ Yaaqoobe Xoossay maaddiza asi ba hidotakka ba GODAA bolla woththida asi anjjettidaade.

⁶ GODAY salonne sa7a, gita abbanne istta giddon diza ubbaa medhdhidayssa; izi ba ammaneteththaa mernaas naagizayssa.

⁷ Izi qohettidaytas pirdizayssa; gafidayta mizi kalssizayssa. GODAY qashettidayta birshi yeddizayssa;

⁸ GODAY qooqeta xeelisees. GODAY kundidayta denththees; GODAY xillotakka siiqees.

⁹ GODAY bete asata naagees. Am7etanne yi7o nayta maaddees; gido attiin iitata oge dhayssees.

¹⁰ GODAY mernaas kawo; Xiyoone! Ne Xoossi yeletappe yeleta gakkanaas kawotana. GODAY galatetto!