ዬ ማጻፋ 141 - Geeshsha Maxaafa

Dawite Mazamure

¹ Abeet GODAWU! Tani nena xeygays; tana maaddanaas elela. Tani neekko waassiza wode ta waaso siya!

² Ta woosay exaane cuwa mala ne sinth shiiqo; tani ta kusheza miccizayssi nees omarsa wode yarsho mala gido.

³ Abeet GODAWU! Ta doona naaganaas zabe woththa; ta mettershata pengen naagizayssa essa.

⁴ Mooro ooththiza asatara iita ooso ooththontta mala ta wozina iitakko zaaroppa; istta gibiraakka tana mizoppa.

⁵ Xillo asi tana qaxxayo; hessika taas lo7o; izi tana seerikko hessi ta hu7en zayte tiyiza mala; hessaka ta ixxike; gido attiin tani ubbatokka iita asata ooso bolla woossays.

⁶ Istta daannati aafora duge olettiza wode ta qaalay tuma gididayssa istti erana.

⁷ Gadey goyettiza malanne phashey liiqiza mala istta meqeththika duufo doonan laalettana.

⁸ Abeet GODAWU, Ubbaafe Wolqqama Xoossawu! Ta ayfey nena xeellees; ta zemppoy nena; tana hayqos aaththada immofa.

⁹ Istti taas woththida woximadeppenne iita ooththizayta giteppe tana naaga.

¹⁰ Ta saro aadhdhishin istti bantti woththida gitezan oyketetto.