ዬ ማጻፋ 137 - Geeshsha Maxaafa

¹ Baabiloone shaafata lanqen uttidi nuni Xiyoone qoppida wode yeekkidos.

² Heen nuni nu diiththata haaththa matan dicciza miththata bolla kaqqidos.

³ Nuna di7ida asati nuni yexxidi istta ufayssana mala, «Xiyoone yeththafe issaa ane nuus yexxite» gida.

⁴ GODAA mazamure nuni allaga biittan wostti yexxonii?

⁵ Yerusalaame katamayee! Tani nena balikko ta ushachcha kushey ba ooso balo.

⁶ Tani nena hassa7ontta aggiko ta ufayssa ubbaafe aaththada Yerusalaame dosontta aggiko ta inxarsay gonggiraththara oyketto.

⁷ Abeet GODAWU! Yerusalaamey kundiza gallas Eedoome asati ooththidayssa qoppa; istti, «Laallite! Laallite! Yochchaafe dhoqalli dhayssite!» gidayssa baloppa.

⁸ Hanne Baabiloone biittayee ne dhayana! Neni nu bolla polida iita ooso ne bolla zaari ooththizay anjjettidayssa.

⁹ Ne guuththa nayta oykkidi zaalla bolla dincereththizay anjjettidayssa.