ዬ ማጻፋ 136 - Geeshsha Maxaafa

Eedon Yexxida Galata Mazamure

¹ GODAA galatite! Izi kiya; iza siiqoy mernaassa.

² Xoossata Xoossa galatite! iza siiqoy mernaassa.

³ GODAA galatite! iza siiqoy mernaassa.

⁴ Izi xalla gita malalisiza miish ooththees; iza siiqoy mernaassa.

⁵ Ba hiillateththan salota medhdhides; iza siiqoy mernaassa.

⁶ Biittaa haaththa bollan miccides; iza siiqoy mernaassa.

⁷ Gita poo7ota medhdhides; iza siiqoy mernaassa.

⁸ Arshey gallas poo7ana mala ooththides; iza siiqoy mernaassa.

⁹ Aginaynne xoolintteti omars poo7isana mala ooththides; iza siiqoy mernaassa.

¹⁰ Izi Gibxe biittan bayrata wodhides; iza siiqoy mernaassa.

¹¹ Isra7eele asaa Gibxeppe kaaleththi kessides; iza siiqoy mernaassa.

¹² Ba mino kusheninne ba wolqqama qesen hayssa ooththides; iza siiqoy mernaassa.

¹³ Zo7o abba shaakki yeggides; iza siiqoy mernaassa.

¹⁴ Isra7eele asaa he abba giddora pinththides; iza siiqoy mernaassa.

¹⁵ Gibxe kawonne iza olanchchata Zo7o abban mitissides; iza siiqoy mernaassa.

¹⁶ Izi ba asaa bazzora kaaleththides; iza siiqoy mernaassa.

¹⁷ Gita kawota shocides; iza siiqoy mernaassa.

¹⁸ Wolqqama kawota wodhides; iza siiqoy mernaassa.

¹⁹ Amooreta kawoza Sihoone wodhides; iza siiqoy mernaassa.

²⁰ Qasse Baasaane kawoza Aage wodhides; iza siiqoy mernaassa.

²¹ Histtidi istta biitta ba asaa laatissides; iza siiqoy mernaassa.

²² Ba aylle Isra7eele laatissides; iza siiqoy mernaassa.

²³ Nuni kawuyida wode izi nuna qoppides; iza siiqoy mernaassa.

²⁴ Nuna nu morkketappe ashshides; iza siiqoy mernaassa.

²⁵ Medheta ubbaas mizaaz immees; iza siiqoy mernaassa.

²⁶ Salo Xoossa galatite! iza siiqoy mernaassa.