ዬ ማጻፋ 129 - Geeshsha Maxaafa

Pude Kezishe Yexxida Mazamure

¹ Isra7eele asay, «Morkketi tana yelagateththafe doommidi daro wode un7eththida.

² Tumappe istti tana yelagateththafe doommidi daro wode un7eththida; gido attiin istti tana xoonibeettenna.

³ Ta zokko xurqafen shoci shocidi worxafettida gade misatissida» go.

⁴ Gido attiin GODAY xillo; iitata wodoro duusereththidi tana birshi yeddides.

⁵ Xiyoone ixxiza ubbay yeellatidi guye simmo!

⁶ Keeththa kaara bolla mokkidi heerakka meliza maata mala gido!

⁷ Hessi buucizaytas kushe kumontta maata mala woykko mirqqizaytaskka danke kumontta kaththa mala.

⁸ He ogera aadhdhizayti, «Xoossi wolqqa immo» buucizaytikka, «Xoossi anjjo» gooppetto.