ዬ ማጻፋ 128 - Geeshsha Maxaafa

Pude Kezishe Yexxida Mazamure

¹ GODAAS yayyizaytinne iza ogen hemettizayti ubbay anjjettidayta.

² Neni ne daabura ayfe maana; ne anjjettananne nees injjetana.

³ Ne machchiya neson ayfiza woyne mala gidana; ne naytikka ne maadda yuushon wogara puute mala gidana.

⁴ GODAAS yayyiza asi hessaththo anjjettana.

⁵ GODAY nena Xiyooneppe anjjo! Neni de7ida layth ubbaan Izi nena Yerusalaame lo7eteth besso!

⁶ Izi nena nayta nayta gaththi besso! Isra7eeles saroy gido!