ዬ ማጻፋ 127 - Geeshsha Maxaafa

Solomooney Pude Kezishe Yexxida Mazamure

¹ GODAY keeth keexxontta aggiko keexxizayti coo mela daabureettes; GODAY katama naagontta aggiko naagizayti coo mela dafetteettes.

² Neni aqota demmanaas maalado wonttara denda woxxikonne giddoth gakkanaas ne daaburkko hessi wurikka hada; GODAY ba siiqizaytas shemppo immees.

³ Nayti GODAAPPE imettiza imotata; naytikka tumappe iza woyto.

⁴ Asi naateththan dishe yeliza attuma nayti olanchcha kushen diza yiishsha mala.

⁵ Iza kohoti he yiishshatan kumiday anjjettidaade. Izi katama pengen ba morkketara marshettiza wode shatumettenna.