ዬ ማጻፋ 126 - Geeshsha Maxaafa

Pude Kezishe Yexxida Mazamure

¹ GODAY nuna di7ettidayta zaaridi Xiyoone ehida wode nuus agumo misatides.

² He wode nu doonay miichchan kumides; nu inxarsika ufayssa mazamure yexxides; histtiin kawoteththati bantta giddon, «GODAY isttas gita miish ooththides» gida.

³ Tumukka GODAY nuus gita miish ooththides; nunikka keehi ufayettidos.

⁴ Abeet GODAWU! Negebe Bazzon ira bukisada shaafa haaththan kunththiza mala nu duussa ooraththa.

⁵ Yeekkishe zeridayti ufayssan yexxishe shiishshana.

⁶ Zereth tookkidi yeekkishe bidayti mirqqeta tookkidi ufayssan yexxishe simmana.