ዬ ማጻፋ 124 - Geeshsha Maxaafa

Dawiti Pude Kezishe Yexxida Mazamure

¹ Isra7eeley, «GODAY nunara donttaakko nu waananee?

² Nu morkketi nu bolla dendida wode GODAY nunara bayndaako,

³ istta hanqoy nu bolla tama mala eexxida wode istti nuna paxa mittanashin.

⁴ Haaththi nuna ekki baanashin; di7oy nuna mittanashin.

⁵ Kixa haaththi nuna maanashin» getto.

⁶ Nuna nu morkketa achchan puuzisontta ashshida GODAY galatetto.

⁷ Nuni shankkanchchata narxafe kafoy kessi ekkiza mala kessi ekkidos; Yardey duuxxides nunikka kessi ekkidi attidos.

⁸ Salonne sa7a medhdhida GODAA sunththan nuus maadoy yees.