ዬ ማጻፋ 122 - Geeshsha Maxaafa

Dawiti Pude Kezishe Yexxida Mazamure

¹ Istti tana, «Ane GODAA Keeth boos» giin tani ufayettadis.

² Hanne Yerusalaame katamayee! Nuni ne pengetara gelidi eqqidos.

³ Yerusalaame katamaya danxxetta keexettida mino katama.

⁴ Isra7eeles imettida woga mala Isra7eele qommoti GODAA sunth galatanaas hee baana.

⁵ Dawite zereththafe kawotidayti pirdanaas heen uttida.

⁶ Yerusalaame saroteththas, «Nena dosizayti ubbay ishalon detto;

⁷ Ne gimbeta giddon saroy de7o! Ne kawoteththa keeththan woppay kumo» gi woossite;

⁸ Ta dabbota gishshassinne laggeta gishshas «Ne giddon saroy do!» gays.

⁹ GODAA nu Xoossa Keeththa gishshas gaada tani nees lo7o amo amottana.