ዬ ማጻፋ 12 - Geeshsha Maxaafa

Dawiti Zammareta Kaabbos Osppun Shayan Waaxettida Diiththan Yexxida Mazamure

¹ GODAWU! Lo7o asi biitta bollafe wurida gishshas ne tana maaddarkki; deraa giddon ammanettiza asi deenna.

² Issoy issaas wordo haasayees; issoy issaa doonan cimmeettes;

³ Abeet GODAWU! baleththiza doona gorda; otoron haasayza inxarsata qanxxa;

⁴ Istti, «Nuni nu inxarsan xoonana; nu doonay nuussa; nuus goday oonee?» geettes.

⁵ GODAY, «Hiyeesati un7ettida gishshassinne, metotanchchata waaso gishshas ha7i tani dendana; tani istti amottiza saroteththan istta woththana» gees.

⁶ GODAA qaalay izan walakay baynda muuruta; cooce taman laappunto paacetti geeyida bira mala.

⁷ Abeet GODAWU! Neni nuna saroteththan naaga; ha woden diza iita yeletappe mernaas ne nuna ashsha.

⁸ Asaa giddon iitay bonchchettida wode geellati ubba wode otoreteththan simeretteettes.