ዬ ማጻፋ 110 - Geeshsha Maxaafa

Dawite Mazamure

¹ GODAY ta Godaas, «Tani ne morkketa ne toho garsan yedhisana gakkanaas, ta ushachchan utta» gides.

² GODAY nees maata guufe Xiyooneppe kiittana; nenikka morkketa haarana.

³ Neni ne morkketara olettiza gallas ne olanchchati ba shenen ne millen eqqana; wontta maalado awa mala geeshshateththan phoollashe ne naateteththa asay neekko yaana.

⁴ GODAY, «Malkexeedeqe qeeseteththa mala nenikka mernaas qeese gidana» giidi caaqqides; izi ba qofa laammenna.

⁵ GODAY ne ushachchan dees; izi ba hanqo gallas kawota tinchchereththana.

⁶ Kawoteththata bolla izi pirdana; ola wosanatakka aha xalla histtana; sa7an ubbaan diza kawota izi menththereththana.

⁷ Kawozi oge lanqen diza haaththa pulttofe uyidi, izi ba hu7e dhoqqu dhoqqu histtana.