ዬ ማጻፋ 11 - Geeshsha Maxaafa

Dawiti Zammareta Kaabbos Yexxida Mazamure

¹ GODAY tani baqata attizaso; histtiin intte tana ays, «Neni kafo mala pude zuma bolla baqata» geetii?

² Nagaranchchati wozina geeshshata dhuman caddanaas bantta wondafe dafi oykkida.

³ Yochcha shuchchi woddiza wode, xilloy ay ooththanawu dandayzee?

⁴ GODAY ba geeshsha Keeththan dees; salon ba araatan uttidi asaa be7ees; iza ayfeti asaa pilggi xeelleettes.

⁵ GODAY xillotanne nagaranchchata pilggi xeellees. Gido attiin geellateththinne makkallateth siiqizayta izi keehippe ixxees.

⁶ GODAY iitata bolla eexxiza tama bonqonne diine tama bukisana. Dhayssiza gote carkon istta qaxxayana.

⁷ GODAY xillo gidida gishshas xilloteththa ooso dosees. Suure asati iza sinth beyana.