ኢዮቤ ማጻፋ 8 - Geeshsha Maxaafa

Belidaade Haasaya

¹ Shuha dere as Belidaade geetettizayssi hizgidi zaarides;

² «Ne doonappe ke7iza qaalati gote carko mala; awude gakkanaas hayssaththo ne haasayanee?

³ Xoossi pirda bokkasi erizee? Ubbaa Dandayza Xoossay xilloteth bokkasi erizee?

⁴ Ne nayti Xoossa qohidaa gidikko, istti bantta pirda ekkida guussa.

⁵ Gidikkoka ne Xoossako simmiko, Ubbaa Dandayza Xoossa woossiko,

⁶ suurenne geesh gidikko izi eesoti nees bessiza sohon nena zaarana.

⁷ Ne doomeththay guuth misatikkoka, nees poloy keehi lo7o gidana.

⁸ «Ane kase yeleta oychcha; kase aawati gakkidasoza pilgga xeella.

⁹ Nu layththazi buro guuth gidida gishshas nuni aykkoka erokko; nu layththayka eesho mala aadhdhizaaza.

¹⁰ Istti nees tamaarsizayssinne nees yootizayssi ba akeekizayssafe ekkidi gidennee?

¹¹ Tumukka carey bayndason shacca maatay mokki erizee? Haaththi bayndason marcoy cililizee?

¹² Hayssi hanontta aggiko diccidi buuch gakkanaappe sinththan buro cililan dishe melees.

¹³ Xoossa dogiza asata ubbaa wurseththay hessa mala hanana; Xoossi baawa giza asata hidotay qanxxettana.

¹⁴ Achcharo keeththa mala miishshan ammanetteettes; istti hidota ooththiza miishshi diikkoka kawushshara dhayana.

¹⁵ Achcharo keeththa bolla istti zemppizaa gidikko izi minni eqqenna; achcharo keeththaza izi oykkiko duuxeretti wodhdhana.

¹⁶ Haaththa kallida harumay ho7o demmidi daayees;

¹⁷ Xaphoza shuchcha muuhe giddon yeddees; zaalla za7an xaphees.

¹⁸ Ba dizasoppe shodettiza wode izi dizasozi erettenna.

¹⁹ Iza wurseththi hessa mala gidees; hara maatati biittafe doleettes.

²⁰ «Xoossi wosoy baynda asata olenna; iita asata qese minththenna.

²¹ Hessa gishshas nenikka ufayssan miiccana malanne ‹Ililana› mala izi ooththana.

²² Nena ixxiza asati gidikko yeella may7ana; iita asata keeththika dhayana.»