ኢዮቤ ማጻፋ 26 - Geeshsha Maxaafa

Iyoobe Haasaya

¹ Iyoobi hizgi zaarides;

² «Hayssa ne haasayoyssan daaburanchchata maaddida nees misatizee? Qesey argacidaade minththida nees misatizee?

³ Aadho erateththi paccidaades ne ay zore immadii! Ay erateththika izaades qonccisadi!

⁴ Histtiin hayssa ne haasayana mala nena maaddiday oonee? Ne haasayana mala nena denththeththiday oona ayanaa!»

⁵ «Wolqqama wogga gita abbaafe garsan diza hayqqidayta shemppoti wolqqama kokkorsan deettes.

⁶ Si7ooleykka Xoossa sinththan qonccen dees; Abadoone geetettizasoza ay miishshika kammanawu dandayenna.

⁷ Xoossi pudeha baggara diza saloza carko bolla miccides; biittaaka aykkoy bayndason kuulloti daana mala ooththides.

⁸ Xoossi shaarati haath xunxi oykkana mala ooththees; haaththafe dendoyssan shaarati daaketettenna.

⁹ Izi uttiza kawoteththa araata genththana; shaararakka kammana.

¹⁰ Poo7onne dhuma shaakkanaas; wolqqama wogga gita abbaa sinththan saloza zawa ooththidi miccides.

¹¹ Izi hanqiza wode salo tuussati dagaman kokkoreettes.

¹² Izi ba wolqqan abbaa co7u ooththees; iza aadho erateththayka Era7aabe geetettizayssa dhayssana.

¹³ Ba peenozan saloza geeshshana; xongettiza shooshshaa ba kushen caddana.

¹⁴ Haytanti ubbay Xoossi ooththiza oosotappe guuththata; nu siyizayssi izas saasuketh xalla; wolqqama giirissa izayssa ooni akeekanawu dandayzee?»