ኤርማሳ ቲንቢቴ 45 - Geeshsha Maxaafa

Baarokes Yootettida Kiita

¹ Iyosiyaasa naa Iyo7aaqemey Yuhudan kawotida oydanththo layththan, Neeriya naa Baarokey ha qaalata Ermaasi yootiin siyidi maxaafan xaafides. He wode Ermaasi izas yootida qaalay,

² «Baaroke! Nena GODAA Isra7eele Xoossay,

³ Neni, ‹GODAY ta sako bolla ceece gujjida gishshas taas aayye ana! Tani daro yeekkida gishshas daaburadis; shempoyka taas baawa› gadasa» gees.

⁴ GODAY, «Tani biitta bolla keexxidayssa laallana; ta tokkidayssaka shoddana.

⁵ Histtiin neni nees gita miish koyay? Asa nayta ubbaa bolla tani bash ehana gishshas ne hessa koyoppa; gido attiin neni bidaso ubbaan ta ne shemppo ashshana» gees.