ኢሳያሳ ቲንቢቴ 4 - Geeshsha Maxaafa

¹ He wode laappun maccassati issi adde oykkidi, «Maana kath gidiin may7ana may7o nuni nurkka nuna dandayana; ne sunththan xalla xeygettana mala histtada nu kawushshateththaa nuuppe diggarkkii!» gi woossana.

Yerusalaame Ooraththateth

² He wode GODAA miththa haggay lo7ananne bonchchettana; Isra7eele asaappe dhayshe attidaytas he biitta kaththay ceeqossinne bonchchos gidana.

³ Xiyoonen attidayti, Yerusalaamen dhayontta attidayti, Yerusalaamen shemppora paxa dishe xaafettida ubbatara, «Istti geeshshata» geetettana.

⁴ GODAY Xiyoone maccassata qitaa meeccana; maadhetti uttida suuththaafe Yerusalaame pirda ayananinne xuuggiza ayanan geeshshana.

⁵ GODAY Xiyoone zuma bollanne heen shiiqiza ubbata bolla gallas shaaranne cuwa, omars eexxiza tama poo7o kiittana; Xoossa bonchchoy katamayo dunkaane mala kammi naagana.

⁶ Izi gallassa awa suuleppe ashshiza kuwa, uushoppenne irappe baqati attizasoho gidana.