ሆሴኤ ቲንቢቴ 6 - Geeshsha Maxaafa

Wozinappe Gidontta Maaroteth

¹ Derezi, «Haa yiite, ane GODAAKKO simmoos! Izi nuna menththida mala izikka nuna zaaridi koolana; izi nuna madunththida mala zaaridikka izi nu madunththaa paththana.

² Nam7u gallassatappe guye izi nuna beegoththana; heedzdzanththo gallas izi nuna denththana; nunikka iza sinththan paxa daana.

³ Ane nuni GODAA eroos! Nu iza lo7eththi eranaas ane minettoos! Izi wontta poo7o mala nuus qonccana; biitta kalssiza assura ira malanne balgo ira mala izi nuukko yaana» gees.

⁴ GODAY, «Efreeme asatoo! Yuhuda asatoo! Ta inttena wosttiko lo7oo? Intte tana siiqiza siiqoy maalado shaara malanne maalado xaaza mala coo tim7i gi eeson dhayees.

⁵ Hessa gishsha s tani ta nabeta baggara inttena qanxxereththadis; ta doonappe ke7iza qaalan ta inttena wodhadis. Ta pirdayka intte bolla wolqqanththa mala poo7ides.

⁶ Tani yarshofe aaththada maaroteth dosays. Xuugettiza yarshofe aaththada Xoos ero dosays.

⁷ Istti qasse kase Addaame geetettizason tanara gelida caaqo qaala laallida; heenkka istti tanan ammanettibeettenna.

⁸ Gala7aadey suuththan moorettadus; iita asata duussaso gidadus.

⁹ Pangati ase wodhanaas zamadiza mala qeesetikka zuppetidi hessaththo ooththeettes. Gede Seekeeme efiza oge bollaka naagi naagi as wodheettes; yeellachchiza iita miish ooththeettes.

¹⁰ Dizhiginthiza iita miish Isra7eelen beyadis; Efreemey eeqas goynoninne laymateththan tunides.

¹¹ «Intteno Yuhuda asatoo! Ta inttena qaxxayana gallas bara woththadis.