ሆሴኤ ቲንቢቴ 3 - Geeshsha MaxaafaHose7ey Ba Machcheyra Maqaynnides 1 GODAY tana, «Isra7eele asay hara xoossatakko simmidi zabibe ukeththi shiishshana koyides; hessarakka GODAY istta siiqizayssa mala nekka baada ba laggeththota siiqada laymatashe diza kase ne machcheyo zaarada siiqa» gides. 2 Hessa gishshas ta izo tammanne ichchashu saqile biraninne 150 kilo banggan shammadis. 3 Ta izo, «Ne laymatizayssanne hara as kaallizayssa aggada tanara daro wode xilloteththan de7a; tanikka nenara ammaneteththan daana» ga zoradis. 4 Hessaththoka Isra7eele asay kawoy baynda woykko kaaleththizaadey baynda, yarshoy baynda woykko eeqa xoossata hawultey baynda, qeeseteththa may7oy baynda woykko eeqa xoossata misley baynda daro wode de7ana. 5 Hessafe guye Isra7eele derey GODAA ba Xoossaakonne ba kawo Dawitekko simmana. Wurseththa wode istti yashshan kokkorishe GODAAKKONNE iza anjjoko yaana. |
The Word for the World International