ኤራንቻታ ማጻፋ 10 - Geeshsha Maxaafa

¹ Hayqqida udunxxeti shitto zeeqeththeettes; hessaththoka guuththa eeyateththi aadho erateththinne bonchcho kawushshees.

² Aadho eranchcha wozinay iza ushach kaaleththees; gido attiin eeya wozinay hadirs kaaleththees.

³ Eeyay oge bishin izas akeekay paccees; ba eeyateththa oonaska qonccisees.

⁴ Ne goday ne bolla hanqettiko ne soho yeddofa; gaasoykka dandayay gita hanqo co7u histtees.

⁵ Salo gufanththon tani be7ida iita miishshi dees; hessika dere haarizaadefe keziza bala.

⁶ Eeyati keehi dhoqqasohon uttiin dureti hirki ziqqa sohon uttida.

⁷ Aylleti daannata mala togan bishin daannati qasse aylleta mala tohon bishin be7adis.

⁸ Olla bookkiza asi he ollan izi kundana; qasse dirsa laalliza as shooshshi dukkana.

⁹ Shuch dhoqallizay he shuchchaan deshettees; qasse mith qerizay he miththaan qohettees.

¹⁰ Dun7e kaltta leefontta ooththiko daro wolqqa wursees; gido attiin hiillan ooththiko oosoza ayfisees.

¹¹ Shooshshi muurennon jallanaappe sinththan dukkiko muurennizaade aykkoka go7enna.

¹² Aadho eranchchaa doonappe keziza qaalay puulan kumidaaza; gido attiin eeyay barkka ba inxarsan dhayees.

¹³ Koyroppe doommidi iza qaalay eeyateththa; wurseththankka iita goosh gidees.

¹⁴ Eeyay haasaya darssees; buroppe hananayssa erizay deenna; hayqqidaades izappe guyen hananayssa oonee izas yootana dandayzay?

¹⁵ Eeya oosoy ooththizaade daaburssees; izi katama gaththiza oge erenna.

¹⁶ Hanne ne kawoy yelaga gididaaree! Ne daannati wonttara gibira giigsiza biittayee nees aayye ana!

¹⁷ Hanne ne kawoy bonchchettida zareppe gididaaree! maththottanaas gidontta minettanaas koshshiza wode miza daannati diza biittayee! Neni anjjettidaaro.

¹⁸ Addey azalla gidikko kaaray yarphattees; iza kusheti daaburkko keeththi aaththees.

¹⁹ Gibiray miicisees; woyne ushshi as ufayssees; miishshi diikko miishshi hanees.

²⁰ Qofankka gidiin kawo kadhoppa; ne aqiza kifilen dashe dure qanggofa; qefen piradhdhizaara ne gizayssa efa gaththana dandayawus.