1ታሪኬ ማጻፋ 3 - Geeshsha Maxaafa

Kawo Dawite Nayta Zarkke

¹ Dawiti Kebroonen dishe yelida attuma nayta sunththi hayssafe kaalli dizayta; bayra naa Aminoone Izra7eele dere maccas Ahinahoomppe yelides; iza kaalo Daaneela Qarmeloose dere maccas Abigaalippe yelides.

² Heedzdzanththoza Abeseloome Geeshure kawo Talimaye naa Ma7ikippe yelides. Oydanththoza Adoniyaasa Hagitippe yelides.

³ Ichchashanththoza Shafaaxiya Abixaalippe yelides Usuppunththoza Yitiraame Eglippe yelides.

⁴ Hayti usuppunati Dawiti Kebroonen laappun layththinne bagga deraa ayssiza wode yelettida; Dawiti Yerusalaamen 33 layth kawotides.

⁵ Izi heen dishe yelida attuma nayti hayssafe kaalli dizayta; Am7eele naa Bersaabeha Shim7a, Shoobaabe, Naataanenne Solomoone geetettiza oyddu attuma nayta izas yeladus.

⁶ Qasse hara uddufun attuma nayti izas deettes; heytikka Iyabeheere, Elsu7e, Elfaleexe

⁷ Nogahe, Nefege, Naafiya,

⁸ Elshama, El7aadanne Elfaleexe geetettizayta.

⁹ Heytappeka hara Dawiti garadetappe yelida attuma nayti deettes; isttaskka Ti7imaaro geetettiza michcha dawus.

Kawo Solomoone Nayta Zarkke

¹⁰ Kawo Solonooney Erobi7aame yelides; Erobi7aamey Abiya yelides; Abiyay Aasa yelides; Aasay Iyoosaafixe yelides;

¹¹ Iyoosaafixey Iyoraame yelides; Iyoraamey Akaziyaasa yelides; Akaziyaasi Iyo7aasa yelides;

¹² Iyo7aasi Amasiyaase yelides; Amasiyaasi Azaariyaase yelides; Azaariyaasi Iyo7aatame yelides;

¹³ Iyo7aatamey Akaaze yelides; Akaazey Hizqiyaasa yelides; Hizqiyaasi Minaase yelides;

¹⁴ Minaasey Amoone yelides; Amooney Iyosiyaasa yelides,

¹⁵ Iyosiyaasi oyddu attuma nayta yelides; bayrazi Yohanaane, iza kaaloti Iyo7aaqeme, Sedeqiyaasanne Shaloome;

¹⁶ Iyo7aaqemey Ikoniyaanenne Sedeqiyaasa yelides.

Kawo Ikoniyaane Nayta Zarkke

¹⁷ Baabiloone di7etti bida Ikoniyaane nayti Salatiyaale,

¹⁸ Malikraame, Paddaya, Shenaxaare, Yiqaamiya, Hoshamenne Nadabiya geetettizayta.

¹⁹ Paddayay Zerubaabelenne Shim7e yelides; Zerubaabeleykka Mashulaame, Hanaaniyanne istta michcho Shalomito yelides.

²⁰ Qasseka hara ichchash attuma nayti izas deettes; heytikka Hashube, Ohele, Baraakaye, Hasadiyanne Yoshaabi-Hesside.

²¹ Hanaaniyay Palaaxiyanne Yesha7iya geetettiza nam7u attuma nayta yelides; Yesha7iyaykka Erafaya yelides; Erafayay Ornaane yelides; Ornaaney Abdiyu yelides; Abdiyuy Shakaaniya yelides.

²² Shakaaniyaykka Shama7e yelides; Shama7ey Haxushe, Yigi7aale, Baaryahe, Narayanne Saafaaxe geetettizayta 5 attuma nayta yelides; Shakaaniya zereththati kumeththi usuppuna.

²³ Narayay Elyo7enaye, Hizqiyaasanne Azirqaame geetettiza 3 attuma nayta yelides.

²⁴ Elyo7enayey Hoddaye, Elyaasheebe, Pelaaya, Aqube, Yohanaane, Dallayanne Anaane geetettiza 7 attuma nayta yelides.